ಬೆಂಗಳೂರು: ಕನ್ನಡದ ಪ್ರತಿಭಾವಂತ ನಟಿ ಭಾವನಾ ರಾಮಣ್ಣತಮ್ಮ ತಾಯಿಯಾಗುವ ಕನಸನ್ನು ಐವಿಎಫ್ (IVF) ವಿಧಾನ ಮೂಲಕ ನನಸು ಮಾಡಿಕೊಂಡಿದ್ದಾರೆ. ಕೆಲ ವಾರಗಳ ಹಿಂದೆ ಅವರು ತಮ್ಮ ಗರ್ಭಧಾರಣೆಯ ಸುದ್ದಿ ಮಾಧ್ಯಮಗಳೊಂದಿಗೆ ಹಂಚಿಕೊಂಡಿದ್ದರು. ಸ್ಕ್ಯಾನಿಂಗ್‌ನಲ್ಲಿ ಅವರು ಅವಳಿ ಮಕ್ಕಳಿಗೆ ತಾಯಿಯಾಗಲಿದ್ದಾರೆ ಎಂಬ ಸುದ್ದಿ ತಿಳಿದಿತ್ತು. ಈ ಹಿನ್ನೆಲೆ ಭಾವನಾ ಖುಷಿಯಿಂದ ಸೀಮಂತ ಸಮಾರಂಭ ಕೂಡ ಆಚರಿಸಿದ್ದರು.
ಆದರೆ ಇತ್ತೀಚೆಗೆ ಅವರು ತಾಯಿಯಾಗಿದ್ದು, ಒಂದೇ ಒಂದು ಮಗು ಬದುಕುಳಿದಿದೆ. ವೈದ್ಯರ ಸಲಹೆ ಮೇರೆಗೆ ಅವಧಿ ಪೂರ್ವವಾಗಿ ಶಸ್ತ್ರಚಿಕಿತ್ಸೆ (ಸಿ-ಸೆಕ್ಷನ್) ಮೂಲಕ ಹೆರಿಗೆ ಮಾಡಿಕೊಳ್ಳಲಾಯಿತು. ಈ ಸಂದರ್ಭದಲ್ಲಿ ಒಂದು ಮಗು ದುರ್ಭಾಗ್ಯವಶಾತ್ ನಿಧನ ಹೊಂದಿದ್ದು, ಮತ್ತೊಂದು ಮಗು ಮಾತ್ರ ಆರೋಗ್ಯವಾಗಿಯೇ ಜನಿಸಿತು. ತಾಯಿ ಹಾಗೂ ಮಗು ಇಬ್ಬರೂ ಈಗ ಆರೋಗ್ಯದಲ್ಲಿದ್ದಾರೆ ಎಂಬ ಮಾಹಿತಿ ಲಭಿಸಿದೆ.
ಭಾವನಾ ಅವರಿಗೆ ಹೆಣ್ಣು ಮಗುವು ಜನಿಸಿದ್ದು, ಮಗಳು ಆರೋಗ್ಯವಾಗಿ ಬೆಳೆಯುತ್ತಿದ್ದಾರೆ. ತಾಯಿಯಾದ ಭಾವನಾ ಮತ್ತು ಕುಟುಂಬಸ್ಥರು ಈ ತಿರುವನ್ನು ಭಾವುಕವಾಗಿ ಸ್ವೀಕರಿಸಿದ್ದಾರೆ.
ಹೆಚ್ಚುವರಿ ಮಾಹಿತಿ ಪ್ರಕಾರ, ಭಾವನಾ ರಾಮಣ್ಣ ಅವರು ಮದುವೆಯಾಗಿಲ್ಲ. ಆದರೆ ತಾಯಿ ಆಗಬೇಕೆಂಬ ಬಲವಾದ ಇಚ್ಛೆಯಿಂದಅವರು ಐವಿಎಫ್ ವಿಧಾನವನ್ನು ಆಯ್ದುಕೊಂಡಿದ್ದರು. ಈ ಕುರಿತಾಗಿ ಭಾವನಾ ಬಹುಮಾನವಾಗಿ ಮಾತನಾಡಿದ್ದು, ತಮ್ಮ ನಿರ್ಧಾರವನ್ನು ಗರ್ವದಿಂದ ಹಂಚಿಕೊಂಡಿದ್ದರು.
ಭಾವನಾ ರಾಮಣ್ಣ ಅವರ ತಾಯಿಯಾದ ಸುದ್ದಿ ಕನ್ನಡ ಚಿತ್ರರಂಗದ ಅಭಿಮಾನಿಗಳಿಗೆ ಹರ್ಷದ ಸಂಗತಿ. ಅವರಿಗೆ ಶುಭಾಶಯಗಳು, ಮಗಳು ಆರೋಗ್ಯದಿಂದ ಬೆಳೆಯಲಿ ಎಂಬುದು ಎಲ್ಲರ ಆಶಯ.
For More Updates Join our WhatsApp Group :
