ಬಿಹಾರ : ಬಿಹಾರದಲ್ಲಿ ನಡೆಯುತ್ತಿರುವ ವಿಶೇಷ ಮತದಾರರ ಪಟ್ಟಿ ಪರಿಷ್ಕರಣೆಯಲ್ಲಿ, ಮತದಾರರ ಗುರುತಿನ ಪರಿಶೀಲನೆಗೆ ಆಧಾರ್ ಅನ್ನು 12ನೇ ಮಾನ್ಯ ದಾಖಲೆಯಾಗಿ ಪರಿಗಣಿಸುವಂತೆ ಸುಪ್ರೀಂ ಕೋರ್ಟ್ ಭಾರತದ ಚುನಾವಣಾ ಆಯೋಗಕ್ಕೆ (ECI) ಮಹತ್ವದ ನಿರ್ದೇಶನ ನೀಡಿದೆ.
ಆಧಾರ್ ಕಾರ್ಡ್ ಬಳಕೆಯನ್ನು ಅನುಮತಿಸಿದರೂ, ಅದು ಪೌರತ್ವದ ಪುರಾವೆಯಲ್ಲ ಎಂಬುದನ್ನು ಕೋರ್ಟ್ ಸ್ಪಷ್ಟಪಡಿಸಿದೆ. ಪಟ್ಟಿ ಪರಿಷ್ಕರಣೆಯ ಪ್ರಕ್ರಿಯೆಯಲ್ಲಿ, ಸತ್ಯವಾದ ಭಾರತೀಯ ನಾಗರಿಕರನ್ನಷ್ಟೆ ಸೇರಿಸಬೇಕು ಎಂಬ ಸೂಚನೆಯನ್ನೂ ನೀಡಲಾಗಿದೆ.
ಅಂತಿಮ ಮತದಾರರ ಪಟ್ಟಿ ಪ್ರಕಟಣೆಗೆ ಡೆಡ್ಲೈನ್: ಸೆಪ್ಟೆಂಬರ್ 30
ಬಿಹಾರದಲ್ಲಿ ನಡೆಯುತ್ತಿರುವ ಈ ವಿಶೇಷ ಪರಿಶೀಲನಾ ಅಭಿಯಾನವು ಅಂತಿಮ ಹಂತಕ್ಕೆ ತಲುಪಿದ್ದು, ಅಂತಿಮ ಮತದಾರರ ಪಟ್ಟಿಯನ್ನು ಸೆಪ್ಟೆಂಬರ್ 30ರಂದು ಪ್ರಕಟಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಸುಪ್ರೀಂ ಕೋರ್ಟ್ ಹೇಳಿಕೆ ಈ ಕೆಳಗಿನಂತೆ:
- ಆಧಾರ್ ಪೌರತ್ವದ ಪ್ರಮಾಣವಲ್ಲ
- ಮತದಾರರ ಗುರುತಿಗೆ ಮಾತ್ರ ಮಾನ್ಯ ದಾಖಲೆ
- ನಕಲಿ ಅಥವಾ ಅನರ್ಹರು ಪಟ್ಟಿ ಸೇರಬಾರದು
- ಪ್ರಕ್ರಿಯೆ ಪಾರದರ್ಶಕವಾಗಿರಲಿ
ವಿಶೇಷ ಮಾಹಿತಿ:
ಈ ಸಲ ಪರಿಷ್ಕರಣೆ ಪ್ರಕ್ರಿಯೆ ವಿಶೇಷವಾಗಿ ಎಚ್ಚರಿಕೆಯೊಂದಿಗೆ ಕೈಗೊಳ್ಳಲಾಗುತ್ತಿದೆ. ಎಲೆಕ್ಷನ್ ಆಯೋಗ ಮತದಾರರ ವಿವರಗಳನ್ನು ಆಧಾರ್, ಪಾನ್ ಕಾರ್ಡ್, ಪಾಸ್ಪೋರ್ಟ್, ಡ್ರೈವಿಂಗ್ ಲೈಸೆನ್ಸ್ ಇತ್ಯಾದಿ 12 ಮಾನ್ಯ ದಾಖಲೆಗಳ ಮೂಲಕ ಪರಿಶೀಲಿಸುತ್ತಿದೆ.
2025 ರ ಚುನಾವಣೆ ಹಿನ್ನಲೆಯಲ್ಲಿ ಬಿಹಾರ ಈ ಪ್ರಕ್ರಿಯೆಗೆ ಗಂಭೀರತೆ ನೀಡಿದ್ದು, ಚುನಾವಣಾ ಆಯೋಗದಿಂದ ರಾಜ್ಯದ ಎಲ್ಲಾ ಜಿಲ್ಲಾಧಿಕಾರಿ, ಬ್ಲಾಕ್ ಕಚೇರಿ ಮತ್ತು ಬೂತ್ ಮಟ್ಟದ ಅಧಿಕಾರಿಗಳಿಗೆ ವಿಶೇಷ ಮಾರ್ಗಸೂಚಿ ನೀಡಲಾಗಿದೆ.
For More Updates Join our WhatsApp Group :
