ನವದೆಹಲಿ: ಅಮೆರಿಕದ ಡಾಲರ್ ಮೌಲ್ಯ ಬಲಗೊಂಡಿದ್ದರ ಪರಿಣಾಮವಾಗಿ ಇಂದಿನ ಚಿನ್ನದ ಬೆಲೆಯಲ್ಲಿ ಕುಸಿತ ಕಾಣುವ ಮೂಲಕ ಬಂಗಾರದ ಬೆಲೆಯಲ್ಲಿ ಜಾಗತಿಕ ದುರ್ಬಲ ಪ್ರವೃತ್ತಿ ಕಂಡು ಬಂದಿದೆ. ಎಂಸಿಎಕ್ಸ್ನಲ್ಲಿ ಡಿಸೆಂಬರ್ ವಿತರಣೆಯ ಚಿನ್ನದ ಫ್ಯೂಚರ್ ಬೆಲೆಯಲ್ಲಿ 1,477 ಇಳಿಕೆ ಕಂಡಿದ್ದು, 10 ಗ್ರಾಂ ಚಿನ್ನದ ಬೆಲೆ 1,22,714 ದಾಖಲಾಗಿದೆ. ಹಾಗೇ 9,400 ಲಾಟ್ಗಳಲ್ಲಿ ವಹಿವಾಟು ನಡೆಸಿದೆ.
ಬಂಗಾರದ ಬೆನ್ನಲ್ಲೇ ಬೆಳ್ಳಿ ಬೆಲೆಯಲ್ಲೂ ಒತ್ತಡ ಕಂಡು ಬಂದಿದ್ದು, ಡಿಸೆಂಬರ್ ವಿತರಣೆಯ ಬೆಳ್ಳಿ ಬೆಲೆಯೂ 1,176 ಅಥವಾ 0.76ರಷ್ಟು ಇಳಿಕೆ ಕಾಣುವ ಮೂಲಕ ಕೆಜಿ ಬೆಳ್ಳಿಯು 1,52,975 ರೂ ದಾಖಲಾಗಿದೆ. ಆರು ಕರೆನ್ಸಿಗಳ ವಿರುದ್ಧ ಡಾಲರ್ 100 ಅಂಕಕ್ಕಿಂತ ಮೇಲಕ್ಕೆ ಏರಿದ್ದು, ಕಳೆದ ಆರು ತಿಂಗಳಲ್ಲಿ ಡಾಲರ್ ಬೆಲೆ ಏರಿಕೆಯಲ್ಲಿ ಇದು ಗರಿಷ್ಠಮಟ್ಟದ ಹೆಚ್ಚಳವಾಗಿದೆ. ಇದು ಚಿನ್ನ ಮತ್ತು ಬೆಳ್ಳಿಯಂತಹ ಅಮೂಲ್ಯ ಲೋಹಗಳ ನಿರಂತರ ಏರಿಕೆಗೆ ಬ್ರೇಕ್ ಹಾಕಿದೆ.
ಜಾಗತಿಕ ಮಾರುಕಟ್ಟೆ ಕಾಮೆಕ್ಸ್ನಲ್ಲಿ ಚಿನ್ನದ ಬೆಲೆಯಲ್ಲಿ 39.10 ಡಾಲರ್ ಅಥವಾ 0.95ರಷ್ಟು ಕುಸಿತ ಕಂಡಿದ್ದು, ಔನ್ಸ್ ಚಿನ್ನದ ಬೆಲೆ 4,076 ಡಾಲರ್ ಗೆ ಇಳಿಕೆ ಕಂಡಿದೆ. ಇನ್ನು ಬೆಳ್ಳಿಯ ಡಿಸೆಂಬರ್ನ ಪ್ಯೂಚರ್ ಬೆಲೆ 0.74 ಇಳಿಕೆ ಕಾಣುವ ಮೂಲಕ ಔನ್ಸ್ ಬೆಲೆ 49.54 ಡಾಲರ್ ದಾಖಲಾಗಿದೆ.
ಸೋಮವಾರ ಚಿನ್ನದ ಬೆಲೆಯಲ್ಲಿ ಕುಸಿತ ಕಂಡಿದ್ದು, ಹೂಡಿಕೆದಾರರು ಫೆಡರಲ್ ರಿಸರ್ವ್ ನೀತಿಯ ಸ್ಪಷ್ಟ ಸೂಚನೆಗಳಿಗಾಗಿ ಕಾಯುತ್ತಿದ್ದಾರೆ. ಮಂಗಳವಾರದ ಚಿಲ್ಲರೆ ಮಾರಾಟ ಮತ್ತು ಉತ್ಪನ್ನ ದರ ಸೂಚ್ಯಂಕದ ಅಂಕಗಳಿಗೆ ಹೆಚ್ಚಿನ ಗಮನ ಹರಿಸುವ ಜೊತೆಗೆ ಬುಧವಾರ ಬಿಡುಗಡೆಯಾಗುವ ಅಮೆರಿಕದ ನಿರುದ್ಯೋಗ ಸೂಚ್ಯಂಕದ ಮೇಲೂ ಹೂಡಿಕೆದಾರರು ತಮ್ಮ ಚಿತ್ತ ನೆಟ್ಟಿದ್ದಾರೆ ಎಂದು ರಿಲಯನ್ಸ್ ಸೆಕ್ಯೂರಿಟಿಯ ಹಿರಿಯ ಸಂಶೋಧಕ ವಿಶ್ಲೇಷಕ ಜಿಗರ್ ತ್ರಿವೇದಿ ತಿಳಿಸಿದ್ದಾರೆ.
ಫೆಡ್ ಅಧ್ಯಕ್ಷ ಜಾನ್ ವಿಲಿಯಮ್ಸ್ ಶೀಘ್ರದಲ್ಲೇ ಮತ್ತೊಂದು ದರ ಕಡಿತಕ್ಕೆ ಬೆಂಬಲ ಸೂಚಿಸಿದ ನಂತರ ಡಿಸೆಂಬರ್ ದರ ಕಡಿತದ ನಿರೀಕ್ಷೆಗಳು ಬದಲಾಗಿವೆ ಎಂದು ಕೂಡ ಅವರು ತಿಳಿಸಿದ್ದಾರೆ.
For More Updates Join our WhatsApp Group :
