2023ರ ಒನ್ಡೆ ವಿಶ್ವಕಪ್ ಫಸ್ಟ್ ಹಾಫ್ ಎಂಡ್ ಮುಗಿದಿದೆ. ಟೀಮ್ ಇಂಡಿಯಾ ಆಡಿದ ಐದಕ್ಕೆ ಐದು ಪಂದ್ಯ ಗೆದ್ದು ಸೋಲಿಲ್ಲದ ಸರದಾರನಾಗಿ ಮೆರೆದಾಡ್ತಿದೆ. ಸೆಮಿಫೈನಲ್ ಎಂಟ್ರಿಕೊಡಲು ಇನ್ನೊಂದೇ ಹೆಜ್ಜೆ ಬಾಕಿ ಇದೆ. ಭಾನುವಾರ ಮ್ಯಾಚ್ನಲ್ಲಿ ಇಂಗ್ಲೆಂಡ್ ಮಣಿಸಿದ್ರೆ ಸಾಕು ಸೆಮಿಫೈನಲ್ ಟಿಕೆಟ್ ಕನ್ಫರ್ಮ್ ಆಗಲಿದೆ.
ಬಲಾಢ್ಯ ತಂಡಗಳನ್ನೇ ಮಣ್ಣುಮುಕ್ಕಿಸಿರೋ ಭಾರತದ ವಿಜಯಯಾತ್ರೆ ಹಿಂದೆ ಡಯಟ್ ಪ್ಲಾನ್ ಅಡಗಿದೆ. ಹೌದು, ಇಡೀ ತಂಡವೇ ವಿಶ್ವಕಪ್ ಎತ್ತಿಹಿಡಿಯಬೇಕೆಂದು ಕಟ್ಟುನಿಟ್ಟಾಗಿ ಡಯಟ್ ಫಾಲೋ ಮಾಡ್ತಿದೆ. ಅದ್ರಲ್ಲೂ ಎಸ್ಪೆಷಲಿ ಕಿಂಗ್ ಕೊಹ್ಲಿಯಂತೂ ಈ ವಿಶ್ವಕಪ್ಗಾಗಿನೇ ಸ್ಪೆಷಲ್ ಡಯಟ್ ಪ್ಲಾನ್ ಫಾಲೋ ಮಾಡ್ತಿದ್ದಾರೆ.
5 ಪಂದ್ಯ, 354 ರನ್..1 ಶತಕ ಹಾಗೂ 3 ಹಾಫ್ಸೆಂಚುರಿ.. ಇದು ಕಿಂಗ್ ಕೊಹ್ಲಿ ಪ್ರಸಕ್ತ ವಿಶ್ವಕಪ್ನಲ್ಲಿ ಹಾಕಿದ ರನ್ ಗುಡ್ಡೆ. ಆಡಿದ ಐದು ಪಂದ್ಯಗಳಲ್ಲೇ ವಿರಾಟರೂಪ ತೋರಿಸಿದ್ದಾರೆ. ಅವರ ಟೈಮಿಂಗ್, ಟೆಂಪರ್ಮೆಂಟ್ ಬಗ್ಗೆ ಮಾತಾಡುವ ಹಾಗಿಲ್ಲ. ಸಂದರ್ಭಕ್ಕೆ ತಕ್ಕಂತೆ ಬ್ಯಾಟ್ ಬೀಸಿ ಟೀಮ್ ಇಂಡಿಯಾವನ್ನು ಗೆಲುವಿನ ದಡ ಸೇರಿಸ್ತಿದ್ದಾರೆ. ಮೊದಲ ಐದು ಪಂದ್ಯಗಳಲ್ಲೆ 354 ರನ್ ಹೊಡೆಯೋದು ಸುಲಭದ ಮಾತಲ್ಲ. ಆದ್ರೆ ಕೊಹ್ಲಿ ಮಾತ್ರ ಸುಲಭವಾಗಿ ರನ್ ಭಾರಿಸಿದ್ದಾರೆ. ಇದಕ್ಕೆಲ್ಲಾ ರನ್ ಮಷೀನ್ ನ ಆ ಸ್ಪೆಷಲ್ ಡಯಟ್ ಕಾರಣ. ಹೌದು, ಹೌದು ಟೂರ್ನಿಯನ್ನ ಚಾಲೆಂಜಸ್ ಆಗಿ ಸ್ವೀಕರಿಸುವ ವಿರಾಟ್ ಪ್ರಸಕ್ತ ವಿಶ್ವಕಪ್ಗಾಗಿ ಡಿಫರೆಂಟ್ ಡಯಟ್ ಪ್ಲಾನ್ ಹೊಂದಿದ್ದಾರೆ. ಆ ಡಯಟ್, ಸೆಂಚುರಿ ಸಾಮ್ರಾಟವನ್ನ ವಿಶ್ವಕಪ್ ದಂಗಲ್ನಲ್ಲಿ ಫಿಟ್ & ಫೈನ್ ಆಗಿ ಇರುವಂತೆ ಮಾಡಿದೆ.
ವಿರಾಟ್ ಕೊಹ್ಲಿ ಸಸ್ಯಹಾರಿ ಪ್ರೊಟೀನ್ಯುಕ್ತ ಆಹಾರಗಳಾದ ಸೋಯಾ ಮತ್ತು ಫನ್ನೀರ್ ಅನ್ನ ಸೇವಿಸುತ್ತಾರೆ. ಇದರ ಜೊತೆ ಹೆವಿ ಫುಡ್ ಬದಲು ಆವಿಯಿಂದ ಬೇಯಿಸಿದ ಆಹಾರ ಹೊಂದುತ್ತಾರೆ. ತರಕಾರಿ ಆಧಾರಿತ ಸೋಯಾ ಹಾಗೂ ಸಸ್ಯಹಾರಿಯುಕ್ತ ಆಹಾರ ಸೇವಿಸುವುದು ರೂಢಿ. ಊಟದಲ್ಲಿ ಸಾಧ್ಯವಾದಷ್ಟು ಡೈರಿ ಪ್ರಾಡೆಕ್ಟ್ ಗೆ ಬ್ರೇಕ್ ಕಡಿವಾಣ ಹಾಕುತ್ತಾರೆ. ರಾಗಿ ದೋಸೆ ಕೊಹ್ಲಿಯ ನೆಚ್ಚಿನ ಆಹಾರವಾಗಿದೆ. ಮಿಲೆಟ್ ದೋಸೆ, ಮಿಲೆಟ್ ಇಡ್ಲಿ, ಉರ್ದ್ ಮತ್ತು ಚನ ದಾಲ್ ನಿಂದ ತಯಾರಿಸಿದ ಇಡ್ಲಿ ತಿನ್ನುತ್ತಾರೆ. ಗೆಲುವಿನ ನಂತ್ರ ಸಂಭ್ರಮಾಚರಣೆ ಇದ್ದರೆ ನಿಯಮಿತ ಮದ್ಯಪಾನ ಮಾಡುತ್ತಾರೆ.
ಕಿಂಗ್ ಕೊಹ್ಲಿ ಇಂದು ಸೂಪರ್ಸ್ಟಾರ್ ಆಗಿರಬಹುದು. ಆದ್ರೆ ಅವರೊಳಗಿನ ಸಾಧನೆಯ ಹಸಿವಿನ ದಾಹ ಮಾತ್ರ ಇನ್ನೂ ಕಮ್ಮಿ ಆಗಿಲ್ಲ. ವರ್ಷಗಳೂ ಉರುಳಿದಂತೆ ಅವರೊಳಗಿನ ಹೋರಾಟದ ಕಿಚ್ಚು ಹೆಚ್ಚಾಗುತ್ತಲೇ ಇದೆ. ಅದಕ್ಕೆ 2023ರ ವಿಶ್ವಕಪ್ ಸ್ಪೆಷಲ್ ಡಯಟ್ ಉತ್ತಮ ನಿದರ್ಶನ.
Pragati TV Social Connect for more latest u