ಶಿವಮೊಗ್ಗ: ಕರ್ನಾಟಕದ ಈ ಜೈಲಿನ ಪ್ರತೀ ರೂಂನಲ್ಲೂ ಇದೆ ಟಿವಿ! ಹೌದು! ಕರ್ನಾಟಕದಲ್ಲಿ ಅತಿ ಹೆಚ್ಚು ಸೌಲಭ್ಯಗಳನ್ನು ಹೊಂದಿರುವ ಜೈಲು ಯಾವುದು ಎಂದು ನೀವು ಎಂದಾದ್ರೂ ಯೋಚಿಸಿದ್ದೀರಾ? ಇದು ರೇಣುಕಾ ಸ್ವಾಮಿ ಕೊಲೆ ಪ್ರಕರಣದ ಆರೋಪಿಗಳಾದ ಜಗದೀಶ್ ಹಾಗೂ ಲಕ್ಷ್ಮಣ್ ಅವರನ್ನು ಇರಿಸಲಾಗುವ ಜೈಲು!
ಕರ್ನಾಟಕದಲ್ಲೇ ಅತ್ಯಾಧುನಿಕ ಕಾರಾಗೃಹ ಎಂಬ ಖ್ಯಾತಿಯನ್ನು ಶಿವಮೊಗ್ಗ ಜೈಲು ಹೊಂದಿದೆ. ಶಿವಮೊಗ್ಗ ಹೊರ ವಲಯದ ಸೋಗಾನೆ ಬಳಿ ಇರುವ ಈ ಕಾರಾಗೃಹ ಕೊರಿಯನ್ ಮಾದರಿಯಲ್ಲಿದೆ ಎಂಬುದು ವಿಶೇಷವಾಗಿದೆ.
270 ಕೊಠಡಿ, 60-70 ಅಡಿ ಎತ್ತರದ ಗೋಡೆ
ಈ ಬಂಧೀಖಾನೆಯ ಪ್ರತಿ ರೂಂನಲ್ಲಿ ಉತ್ತಮ ಗಾಳಿ ಬೆಳಕಿನ ವ್ಯವಸ್ಥೆ ಇದೆ. ವಿಶೇಷ ಎಂದರೆ ಈ ಜೈಲಿನ ಪ್ರತಿ ರೂಂನಲ್ಲಿ ಟಿವಿಯ ವ್ಯವಸ್ಥೆ ಇದ್ದು, 270 ಕೊಠಡಿಗಳನ್ನು ಶಿವಮೊಗ್ಗದ ಕಾರಾಗೃಹ ಹೊಂದಿದೆ. 60-70 ಅಡಿ ಎತ್ತರದ ಗೋಡೆಗಳನ್ನು ಹೊಂದಿದ್ದು, ಈ ಕಾರಾಗೃಹದಿಂದ ತಪ್ಪಿಸಿಕೊಳ್ಳುವುದು ಸಾಧ್ಯವೇ ಇಲ್ಲ ಎಂಬಷ್ಟರ ಮಟ್ಟಿಗೆ ಭದ್ರತೆ ಹೊಂದಿದೆ.
ಇಂತಹ ಖೈದಿಗಳನ್ನೇ ಹೊಂದಿರುವ ಜೈಲು
ಪ್ರಸ್ತುತ ಶಿವಮೊಗ್ಗ ಜೈಲಿನಲ್ಲಿ 770 ಖೈದಿಗಳನ್ನು ಬಂಧನದಲ್ಲಿ ಇರಿಸಲಾಗಿದೆ. ಈ ಪೈಕಿ 450 ಸಜಾ ಬಂಧಿಗಳು ಹಾಗೂ 370 ವಿಚಾರಣಾಧೀನ ಖೈದಿಗಳು. ಪ್ರತ್ಯೇಕ ವಿಐಪಿ ಸೆಲ್ ಹೊಂದಿರದ ಈ ಜೈಲಿನ ಭದ್ರತೆಯನ್ನು ಕೈಗಾರಿಕಾ ಭದ್ರತಾ ಪಡೆ ಹೊಂದಿದೆ. ಪೋಕ್ಸೋ ಹಾಗೂ ಎನ್ಡಿಪಿಎಸ್ ಪ್ರಕರಣದ ಖೈದಿಗಳನ್ನೇ ಶಿವಮೊಗ್ಗ ಜೈಲು ಹೊಂದಿದೆ ಎಂಬುದು ಉಲ್ಲೇಖನೀಯ.
