ನವದೆಹಲಿ: ಭಾರತದ ಜನರಿಗೊಂದು ಶಾಕಿಂಗ್ ನ್ಯೂಸ್ ಹೊರಬಿದ್ದಿದೆ. ದಿ ಲ್ಯಾನ್ಸೆಟ್ ಗ್ಲೋಬಲ್ ಹೆಲ್ತ್ ಜರ್ನಲ್ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ಭಾರತದ ಜನಸಂಖ್ಯೆಯಲ್ಲಿ ಸುಮಾರು 50% ಜನರು ದೈಹಿಕವಾಗಿ ಸಕ್ರಿಯವಾಗಿಲ್ಲ ಎಂಬ ಅಚ್ಚರಿಯ ಮಾಹಿತಿ ಹೊರಬಿದ್ದಿದೆ.
ಲ್ಯಾನ್ಸೆಟ್ ಗ್ಲೋಬಲ್ ಹೆಲ್ತ್ನಲ್ಲಿ ಪ್ರಕಟವಾದ ಹೊಸ ಮಾಹಿತಿಯ ಪ್ರಕಾರ, ಭಾರತೀಯ ವಯಸ್ಕ ಜನಸಂಖ್ಯೆಯ ಅರ್ಧದಷ್ಟು ಜನರು ದೈಹಿಕ ಚಟುವಟಿಕೆಯ ಕುರಿತು ವಿಶ್ವ ಆರೋಗ್ಯ ಸಂಸ್ಥೆಯ (WHO) ಮಾರ್ಗಸೂಚಿಗಳನ್ನು ಪಾಲಿಸುವುದಿಲ್ಲ, ಪುರುಷರಿಗಿಂತ (42%) ಹೆಚ್ಚು ಮಹಿಳೆಯರು (57%) ದೈಹಿಕವಾಗಿ ನಿಷ್ಕ್ರಿಯರಾಗಿದ್ದಾರೆ ಎಂದು ತಿಳಿದು ಬಂದಿದೆ. ಅತ್ಯಂತ ಆತಂಕಕಾರಿ ಸಂಗತಿಯೆಂದರೆ, ಭಾರತೀಯ ವಯಸ್ಕರಲ್ಲಿ ದೈಹಿಕ ಚಟುವಟಿಕೆಯ ನಿರ್ಲಕ್ಷ್ಯ 2000ರಲ್ಲಿ 22.3% ಇತ್ತು. 2022 ರಲ್ಲಿ 49.4%ಗೆ ಏರಿಕೆಯಾಗಿದೆ.
ಭಾರತೀಯರು ದೈಹಿಕವಾಗಿ ಅನರ್ಹರಾಗಿರುವ ಬಗ್ಗೆ ಲೇಸೆಂಟ್ ಅಧ್ಯಯನವು ಕಳವಳ ವ್ಯಕ್ತಪಡಿಸಿದೆ ಮತ್ತು ಭಾರತೀಯ ಜನಸಂಖ್ಯೆಯ 60%ಗೂ ಹೆಚ್ಚು ಜನರು ದೈಹಿಕ ಚಟುವಟಿಕೆಯ ನಿರ್ಲಕ್ಷ್ಯತೆಯಿಂದ ಉಂಟಾಗುವ ಸಮಸ್ಯೆಗಳಿಗೆ ಬಲಿಯಾಗುವ ದಿನ ದೂರವಿಲ್ಲ ಎಂದು ಆತಂಕ ವ್ಯಕ್ತಪಡಿಸಿದೆ. ಗ್ಲೋಬಲ್ ಹೆಲ್ತ್ನಲ್ಲಿ ಪ್ರಕಟವಾದ ಈ ಅಧ್ಯಯನವು ಭಾರತದ ಜನಸಂಖ್ಯೆಯ ಅರ್ಧಕ್ಕಿಂತ ಹೆಚ್ಚು ಜನರು ವಿಶ್ವ ಆರೋಗ್ಯ ಸಂಸ್ಥೆ (WHO) ನಿಗದಿಪಡಿಸಿದ ದೈಹಿಕ ಚಟುವಟಿಕೆಯ ಮಾರ್ಗಸೂಚಿಗಳನ್ನು ಪೂರೈಸಲು ಸಾಧ್ಯವಾಗುತ್ತಿಲ್ಲ ಎಂದು ಹೇಳುತ್ತದೆ.
ಭಾರತೀಯ ಮಹಿಳೆಯರು ಪುರುಷರಿಗಿಂತ ಹೆಚ್ಚು ದೈಹಿಕವಾಗಿ ನಿಷ್ಕ್ರಿಯರಾಗಿದ್ದಾರೆ ಎಂದು ಲ್ಯಾನ್ಸೆಟ್ ಅಧ್ಯಯನವು ಹೇಳಿದ್ದು, 2000ರಲ್ಲಿ ದೇಶದಲ್ಲಿ ದೈಹಿಕ ಚಟುವಟಿಕೆಯ ಕೊರತೆ 22.3% ರಷ್ಟಿದ್ದರೆ, 2022 ರಲ್ಲಿ 49%ಗಿಂತ ಹೆಚ್ಚಾಗಿದೆ. ಇದು 2030 ರ ವೇಳೆಗೆ ಏರಿಕೆಯಾಗಿ, ಭಾರತದ ಜನಸಂಖ್ಯೆಯ ಸುಮಾರು 60%ನಷ್ಟು ಜನರು ದೈಹಿಕವಾಗಿ ಅನರ್ಹರಾಗುತ್ತಾರೆ ಮತ್ತು ದೈಹಿಕವಾಗಿ ವ್ಯಾಯಾಮ, ಚಟುವಟಿಕೆಗಳನ್ನು ಮಾಡದ ಕಾರಣದಿಂದ ಕಾಯಿಲೆಗಳಿಗೆ ಬಲಿಯಾಗುತ್ತಾರೆ ಎಂಬ ಎಚ್ಚರಿಕೆಯನ್ನು ನೀಡಿದೆ.
ಆರೋಗ್ಯದ ದೃಷ್ಟಿಯಿಂದ ನೋಡಿದರೆ, ವ್ಯಕ್ತಿ ಆರೋಗ್ಯವಾಗಿರಲು ಪ್ರತಿದಿನ ದೈಹಿಕವಾಗಿ ಕ್ರಿಯಾಶೀಲರಾಗಿರುವುದು ಮುಖ್ಯ. ವಿಶ್ವ ಆರೋಗ್ಯ ಸಂಸ್ಥೆಯು ಆರೋಗ್ಯವಾಗಿರಲು ಪ್ರತಿ ವಾರ 150 ರಿಂದ 300 ನಿಮಿಷಗಳ ದೈಹಿಕ ಚಟುವಟಿಕೆಯನ್ನು (ವ್ಯಾಯಾಮ, ಯೋಗ, ಆಟ ಸೇರಿದಂತೆ ಇನ್ನಿತರ ಚಟುವಟಿಕೆಗಳು) ಶಿಫಾರಸು ಮಾಡುತ್ತದೆ. ಯಾರಾದರೂ ಕನಿಷ್ಠ 150 ನಿಮಿಷಗಳ ಕಾಲ ದೇಹಕ್ಕೆ ಕೆಲಸ ಕೊಡದಿದ್ದರೆ ಅವರು 70 ನಿಮಿಷಗಳ ತೀವ್ರವಾದ ಚಟುವಟಿಕೆಯನ್ನು ಮಾಡಬೇಕಾಗುತ್ತದೆ.
ಅಂದರೆ, ಒಟ್ಟಾರೆಯಾಗಿ, ಉತ್ತಮ ಆರೋಗ್ಯದ ದೃಷ್ಟಿಯಿಂದ ದೈಹಿಕ ಚಟುವಟಿಕೆಯನ್ನು ಪ್ರತಿದಿನ ಮಾಡುವುದು ಮುಖ್ಯವಾಗಿದೆ. ದೈಹಿಕ ಚಟುವಟಿಕೆಯನ್ನು ಮಾಡದಿದ್ದರೆ, ದೇಹವು ಹೃದಯಾಘಾತ ಮತ್ತು ಪಾರ್ಶ್ವವಾಯು ಮತ್ತು ಮಧುಮೇಹ ಟೈಪ್ 2, ಬುದ್ಧಿಮಾಂದ್ಯತೆ ಮತ್ತು ಕ್ಯಾನ್ಸರ್ನಂತಹ ಕಾಯಿಲೆಗಳಂತಹ ಹೃದಯರಕ್ತನಾಳದ ಕಾಯಿಲೆಗಳಿಗೆ ಗುರಿಯಾಗುವ ಸಾಧ್ಯತೆ ಇದೆ ಎಂದು WHO ಹೇಳುತ್ತದೆ.
ದೈಹಿಕ ಚಟುವಟಿಕೆಯ ಈ ಅಧ್ಯಯನಕ್ಕಾಗಿ ಲ್ಯಾನ್ಸೆಟ್ 195 ದೇಶಗಳನ್ನು ಅಧ್ಯಯನ ಮಾಡಿದೆ. ಈ ಅವಧಿಯಲ್ಲಿ, ದೈಹಿಕ ಚಟುವಟಿಕೆ ಮತ್ತು ಆರೋಗ್ಯದ ವಿಷಯದಲ್ಲಿ ನಿರ್ಲಕ್ಷ್ಯ ತೋರಿರುವುದರಲ್ಲಿ ಭಾರತವು ವಿಶ್ವದಲ್ಲಿ 12 ನೇ ಸ್ಥಾನ ಪಡೆದುಕೊಂಡಿದೆ.
