ಭಾರತ ಮಹಿಳಾ ಕ್ರಿಕೆಟ್ ತಂಡದ ಉಪನಾಯಕಿ ಸ್ಮೃತಿ ಮಂಧಾನ ಶೀಘ್ರದಲ್ಲೇ ಜೀವನದ ಹೊಸ ಅಧ್ಯಾಯಕ್ಕೆ ಕಾಲಿಡುತ್ತಿದ್ದಾರೆ. ಸ್ಮೃತಿ ತಮ್ಮ ದೀರ್ಘಕಾಲದ ಗೆಳೆಯ ಪಲಾಶ್ ಮುಚ್ಚಲ್ ಅವರನ್ನು ವಿವಾಹವಾಗಲಿದ್ದಾರೆ ಎಂಬ ಮಾಹಿತಿ ಇದೀಗ ಅಧಿಕೃತವಾಗಿದೆ. ಪಲಾಶ್ ಅವರು ಗಾಯಕಿ ಹಾಗೂ ಸಂಗೀತ ನಿರ್ದೇಶಕಿ ಪಾಲಕ್ ಮುಚ್ಚಲ್ ಅವರ ಕಿರಿಯ ಸಹೋದರರಾಗಿದ್ದಾರೆ.
ಗುರುವಾರ ಸಾಮಾಜಿಕ ಜಾಲತಾಣದಲ್ಲಿ ಹೊರಬಿದ್ದ ಸ್ಮೃತಿ ಮಂಧಾನ ಅವರ ರೀಲ್ ಭಾರೀ ವೈರಲ್ ಆಗಿದ್ದು, ಅದರಲ್ಲಿ ಅವರು ತಮ್ಮ ನಿಶ್ಚಿತಾರ್ಥದ ಸುದ್ದಿಯನ್ನು “ಮುನ್ನಾಭಾಯಿ ಸ್ಟೈಲ್” ನಲ್ಲಿ ಘೋಷಿಸಿದ್ದಾರೆ.
ಟೀಮ್ ಇಂಡಿಯಾದ ಆಟಗಾರ್ತಿ ಜೆಮಿಮಾ ರೊಡ್ರಿಗಸ್ ಕೂಡ ರೀಲ್ ಹಂಚಿಕೊಂಡಿದ್ದು, ಸ್ಮೃತಿ ತಮ್ಮ ತಂಡದ ಆಟಗಾರ್ತಿಯರೊಂದಿಗೆ ಈ ಕ್ಷಣವನ್ನು ಸಂಭ್ರಮಿಸುತ್ತಿರುವುದು ಕಂಡುಬರುತ್ತಿದೆ.
ಮದುವೆ ದಿನಾಂಕ: ನವೆಂಬರ್ 23,ಸ್ಥಳ: ಸಾಂಗ್ಲಿ, ಮದುವೆ ಸಮಾರಂಭ & ಪಾರ್ಟಿ: ಸಾಂಗ್ಲಿಯಲ್ಲೇ, ವಿವಾಹೋತ್ತರ ಆರತಕ್ಷತೆ: ಇಂದೋರ್‌ನಲ್ಲಿ ನಡೆಸುವ ಬಗ್ಗೆ ಚರ್ಚೆ, ಆದರೆ ದಿನಾಂಕ ಇನ್ನೂ ನಿಗದಿಯಾಗಿಲ್ಲ, ಮುಂಬೈ ಪಾರ್ಟಿ: ಚಲನಚಿತ್ರ ತಾರೆಯರು, ಕ್ರಿಕೆಟಿಗರು ಪಾಲ್ಗೊಳ್ಳುವ ಸಾಧ್ಯತೆ
ಇಂದೋರಿನ ಮುಚ್ಚಲ್ ಕುಟುಂಬ ಈಗಾಗಲೇ ಮದುವೆಯ ಆಹ್ವಾನ ಪತ್ರಿಕೆಗಳನ್ನು ತಮ್ಮ ಬಂಧು-ಬಳಗಕ್ಕೆ ಹಂಚಿದೆ. ಸ್ಮೃತಿ–ಪಲಾಶ್ ದಾಂಪತ್ಯ ಈಗಲೇ ಕ್ರಿಕೆಟ್ ಹಾಗೂ ಸಿನಿರಸಿಕರ ನಡುವೆ ಚರ್ಚೆಯ ಹಾಟ್ ಟಾಪಿಕ್ ಆಗಿದೆ.
For More Updates Join our WhatsApp Group :
