16 ವರ್ಷದೊಳಗಿನ ಮಕ್ಕಳಿಗಾಗಿ ಸಾಮಾಜಿಕ ಮಾಧ್ಯಮವನ್ನು ನಿಷೇಧಿಸಲು ಆಸ್ಟ್ರೇಲಿಯಾ ಪ್ರಧಾನಿ ಆಂಥೋನಿ ಅಲ್ಬನೀಸ್ ಅವರು ನವೆಂಬರ್ ಅಂತ್ಯದಲ್ಲಿ ಸಂಸತ್ತಿಗೆ ಪರಿಚಯಿಸುವ ಮೊದಲು ಹೊಸ ಕಾನೂನುಗಳನ್ನು ಈ ವಾರ ರಾಜ್ಯ ಮತ್ತು ಪ್ರಾಂತ್ಯದ ನಾಯಕರಿಗೆ ಪ್ರಸ್ತುತಪಡಿಸಲಾಗುವುದು ಎಂದು ಹೇಳಿದರು. 16 ವರ್ಷದೊಳಗಿನ ಮಕ್ಕಳನ್ನು ಸಾಮಾಜಿಕ ಮಾಧ್ಯಮದಿಂದ ನಿಷೇಧಿಸುವ ಹೊಸ ಕಾನೂನುಗಳನ್ನು ಅಂಗೀಕರಿಸಲು ಆಸ್ಟ್ರೇಲಿಯಾ ಮುಂದಾಗಲಿದೆ ಎಂದು ಪ್ರಧಾನಿ ಆಂಥೋನಿ ಅಲ್ಬನೀಸ್ ಗುರುವಾರ ಹೇಳಿದ್ದಾರೆ. ಯುವ ಬಳಕೆದಾರರನ್ನು ರಕ್ಷಿಸಲು ವಿಫಲವಾದ ಟೆಕ್ ಕಂಪನಿಗಳ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವುದಾಗಿ ಹೇಳಿದ್ದಾರೆ.
“ಇದು ಅಮ್ಮಂದಿರು ಮತ್ತು ಅಪ್ಪಂದಿರಿಗಾಗಿ. ಸಾಮಾಜಿಕ ಮಾಧ್ಯಮವು ಮಕ್ಕಳಿಗೆ ನಿಜವಾದ ಹಾನಿಯನ್ನುಂಟುಮಾಡುತ್ತಿದೆ ೆ” ಎಂದು ಅವರು ಸುದ್ದಿಗಾರರಿಗೆ ತಿಳಿಸಿದರು. ಈ ವರ್ಷದ ಆರಂಭದಲ್ಲಿ ಸಾಮಾಜಿಕ ಮಾಧ್ಯಮವನ್ನು ಉಪಯೋಗಿಸುವ ವಯಸ್ಸಿನ ಮಿತಿಯನ್ನು ಮೊದಲ ಬಾರಿಗೆ ಸೂಚಿಸಿದರು. ಇದೇ ಮೊದಲ ಬಾರಿಗೆ ಅವರು ವಯಸ್ಸಿನ ಮಿತಿಯನ್ನು ದೃಢವಾದ ಸಂಖ್ಯೆಯಿOದ ತಿಳಿಸಿದ್ದಾರೆ.
“ಪೋಷಕರಿಗಿಂತ, ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ಗಳು ಬಳಕೆದಾರರ ವಯಸ್ಸಿನ ಬಗ್ಗೆ ಖಾತ್ರಿಪಡಿಸುವ ಜವಾಬ್ದಾರಿಯನ್ನು ಹೊಂದಿರಬೇಕು. ಇಲ್ಲವಾದಲ್ಲಿ ಮಾಧ್ಯಮ ಪ್ಲಾಟ್‌ಫಾರ್ಮ್ಗಳೇ ಇದಕ್ಕೆ ಹೊಣೆ” ಎಂದು ಆಂಥೋನಿ ಅಲ್ಬನೀಸ್ ತಿಳಿಸಿದ್ದಾರೆ. ಸಾಮಾಜಿಕ ಮಾಧ್ಯಮಗಳು ನಮ್ಮ ಮಕ್ಕಳಿಗೆ ಕೆಡುಕು ಉಂಟು ಮಾಡುತ್ತಿದೆ. ಇದನ್ನು ಇಲ್ಲಿಗೆ ಅಂತ್ಯಗೊಳಿಸಬೇಕು ಎಂದು ನಿರ್ಧರಿಸಿದ್ದೇನೆ” ಎಂದು ತಿಳಿಸಿದ್ದಾರೆ.
ಸಾಮಾಜಿಕ ಮಾಧ್ಯಮ ವಯಸ್ಸಿನ ಮಿತಿಯನ್ನು ಪರಿಚಯಿಸುವ ಹಿಂದಿನ ಪ್ರಸ್ತಾಪಗಳು ಆಸ್ಟ್ರೇಲಿಯಾದಲ್ಲಿ ವಿಶಾಲವಾದ ಉಭಯಪಕ್ಷೀಯ ಬೆಂಬಲವನ್ನು ಪಡೆದಿವೆ. ನವೆಂಬರ್ ಅಂತ್ಯದಲ್ಲಿ ಸಂಸತ್ತಿಗೆ ಪರಿಚಯಿಸುವ ಮೊದಲು ಹೊಸ ಕಾನೂನುಗಳನ್ನು ಈ ವಾರ ರಾಜ್ಯ ಮತ್ತು ಪ್ರಾಂತ್ಯದ ನಾಯಕರಿಗೆ ಪ್ರಸ್ತುತಪಡಿಸಲಾಗುವುದು ಎಂದು ಅಲ್ಬನೀಸ್ ಹೇಳಿದರು.
