ತುಮಕೂರು: ಇಲಿ, ಕಪ್ಪೆ, ಅಥವಾ ಪುಟ್ಟ ಪ್ರಾಣಿಗಳನ್ನು ನುಂಗುವುದು ಹಾವಿಗೆ ಸಹಜ. ಆದರೆ, ತುಮಕೂರಿನಲ್ಲಿ ಹಾವು ಹಾವನ್ನೇ ನುಂಗಿದ ಅಪರೂಪದ ನೈಸರ್ಗಿಕ ಸನ್ನಿವೇಶ ಸಾರ್ವಜನಿಕರನ್ನು ಅಚ್ಚರಿಗೊಳಿಸಿದೆ.
ಗುರುವಾರ ಬೆಳಿಗ್ಗೆ ತುಮಕೂರು ನಗರ ಹೊರವಲಯದ ಭೀಮಸಂದ್ರ ಗ್ರಾಮದಲ್ಲಿ ಈ ವಿಚಿತ್ರ ಘಟನೆಯು ನಡೆದಿದೆ. ಸ್ಥಳೀಯ ನಿವಾಸಿ ಜಗದೀಶ್ ಅವರ ಮನೆಯ ತೋಟದಲ್ಲಿ ನಾಗರಹಾವೊಂದು ಇನ್ನೊಂದು ನಾಗರಹಾವಿನೊಂದಿಗೆ ಸಂಘರ್ಷಿಸಿ, ಅದನ್ನೇ ನುಂಗಿದ ಘಟನೆ ಕಂಡುಬಂದಿದೆ.
ಘಟನೆಯ ದೃಶ್ಯ ಕ್ಯಾಮೆರಾದಲ್ಲಿ ಸೆರೆ!
ವಿಷಯ ತಿಳಿದ ತಕ್ಷಣ ಸ್ಥಳಕ್ಕೆ ಧಾವಿಸಿದ ಉರಗ ತಜ್ಞ ಸ್ನೇಕ್ ಪ್ರದೀಪ್, ಹಾವನ್ನು ಸ್ಟಿಕ್ ಮೂಲಕ ಎಚ್ಚರಿಸಲು ಯತ್ನಿಸಿದಾಗ, ಹಾವು ತಾನೇ ನುಂಗಿದ್ದ ಮತ್ತೊಂದು ಹಾವನ್ನು ಬಾಯಿಯಿಂದ ಹೊರ ಹಾಕಿತು! ಈ ಅಪರೂಪದ ದೃಶ್ಯವನ್ನೂ ಸ್ಥಳೀಯರು ವಿಡಿಯೋದಲ್ಲಿ ಸೆರೆಹಿಡಿದಿದ್ದಾರೆ, ಇದು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.
ಅರಣ್ಯಕ್ಕೆ ಸುರಕ್ಷಿತವಾಗಿ ಬಿಡಲಾಯಿತು
ಘಟನೆಯ ನಂತರ, ಸ್ನೇಕ್ ಪ್ರದೀಪ್ ಹಾವನ್ನು ತುಮಕೂರು ತಾಲೂಕಿನ ಗೊಲ್ಲಹಳ್ಳಿ ಅರಣ್ಯ ಪ್ರದೇಶಕ್ಕೆ ಸುರಕ್ಷಿತವಾಗಿ ಮರು ಬಿಡಿಸಿದ್ದಾರೆ. ಪ್ರಾಣಿಗಳ ಸಹಜ ವರ್ತನೆಯೊಳಗಿನ ಇಂತಹ ಅಪರೂಪದ ಘಟನೆಗಳು ವಿಜ್ಞಾನಿಗಳಿಗೂ ಕುತೂಹಲ ಮೂಡಿಸುತ್ತವೆ.
For More Updates Join our WhatsApp Group :
