ನಮ್ಮ ಮಧ್ಯೆ ಆರೋಗ್ಯಕ್ಕಿಂತಲೂ ಹೆಚ್ಚು ಸೌಂದರ್ಯದ ಬಗ್ಗೆ ಗಮನ ಹರಿಸುವವರಿದ್ದಾರೆ. ಅದರಲ್ಲಿಯೂ ಇತ್ತೀಚಿನ ದಿನಗಳಲ್ಲಿ ಇಂತವರು ಹೆಚ್ಚಾಗಿ ಕಾಣಲು ಸಿಗುತ್ತಾರೆ. ಸುಂದರವಾಗಿ ಕಾಣಲು ವಿವಿಧ ರೀತಿಯ ಸೌಂದರ್ಯ ಉತ್ಪನ್ನಗಳನ್ನು ಬಳಸುತ್ತಾರೆ. ಅವುಗಳಲ್ಲಿ ಒಂದು ಡಿಯೋಡರೆಂಟ್ ನಿಮಗೆ ತಿಳಿದಿರುವಂತೆ ಇದು ಒಳ್ಳೆಯ ಪರಿಮಳವನ್ನು ಹರಡುತ್ತದೆ. ಸಾಮಾನ್ಯವಾಗಿ ಇವುಗಳನ್ನು ದೇಹದಿಂದ ಬರುವ ವಾಸನೆಯನ್ನು ಹಲವಾರು ಗಂಟೆಗಳ ಕಾಲ ತಡೆಯಲು ಬಳಸಲಾಗುತ್ತದೆ. ಈ ಪರಿಮಳಯುಕ್ತ ಡಿಯೋಡರೆಂಟ್‌ಗಳನ್ನು ತಯಾರಿಸಲು ವಿವಿಧ ರಾಸಾಯನಿಕಗಳನ್ನು ಬಳಸಲಾಗುತ್ತದೆ. ಆದರೂ ಕೂಡ ಇವುಗಳ ಬಳಕೆ ಮಾಡುವವರ ಸಂಖ್ಯೆ ಕಡಿಮೆಯಾಗಿಲ್ಲ. ಅದರಲ್ಲಿಯೂ ಇಂತಹ ಉತ್ಪನ್ನಗಳ ಬಳಕೆ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗುತ್ತದೆ. ಮಾತ್ರವಲ್ಲ, ಕೆಲವು ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸುತ್ತದೆ ಎಂದು ಹೇಳುತ್ತಾರೆ. ಆದರೆ ಇದು ಎಷ್ಟು ನಿಜ? ಸುಗಂಧ ದ್ರವ್ಯಗಳನ್ನು ಬಳಸುವುದರಿಂದ ನಿಜವಾಗಿಯೂ ಕ್ಯಾನ್ಸರ್ ಉಂಟಾಗುತ್ತದೆಯೇ ಎಂಬ ಅನುಮಾನ ಹಲವರಲ್ಲಿ ಮೂಡಬಹುದು. ಇಂತಹ ಪ್ರಶ್ನೆಗಳಿಗೆ ಉತ್ತರ ಈ ಸ್ಟೋರಿಯಲ್ಲಿದೆ.
ನಿರ್ದಿಷ್ಟವಾಗಿ ಹೇಳುವುದಾದರೆ, ಅಲ್ಯೂಮಿನಿಯಂ ಆಧಾರಿತ ಸಂಯುಕ್ತಗಳು ಮತ್ತು ಪ್ಯಾರಾಬೆನ್‌ಗಳನ್ನು ಹೊಂದಿರುವ ಸುಗಂಧ ದ್ರವ್ಯಗಳು ಈ ಅಪಾಯವನ್ನು ಹೆಚ್ಚಿಸುತ್ತವೆ ಎಂಬ ವಾದವಿದೆ. ಏಕೆಂದರೆ ಅಲ್ಯೂಮಿನಿಯಂ ಆಧಾರಿತ ಸಂಯುಕ್ತಗಳು ತಾತ್ಕಾಲಿಕವಾಗಿ ಬೆವರು ಗ್ರಂಥಿಗಳನ್ನು ನಿರ್ಬಂಧಿಸುತ್ತವೆ. ಕೆಲವು ಸಂಶೋಧಕರು ಆರ್ಮ್ಪಿಟ್‌ಗಳು ಮತ್ತು ಎದೆಗೆ ಸುಗಂಧ ದ್ರವ್ಯಗಳನ್ನು ಆಗಾಗ ಅನ್ವಯಿಸುವುದರಿಂದ ಸ್ತನ ಅಂಗಾಂಶದಲ್ಲಿನ ಹಾರ್ಮೋನ್ ಸಮತೋಲನಕ್ಕೆ ಅಡ್ಡಿಯಾಗಬಹುದು ಮತ್ತು ಕ್ಯಾನ್ಸರ್‌ಗೆ ಕಾರಣವಾಗಬಹುದು ಎಂದು ನಂಬುತ್ತಾರೆ. ಇದಲ್ಲದೆ, ಪ್ಯಾರಾಬೆನ್‌ಗಳನ್ನು ಹೊಂದಿರುವ ಸುಗಂಧ ದ್ರವ್ಯಗಳು ದೇಹದ ಕೆಲವು ಜೀವಕೋಶಗಳಲ್ಲಿ ಈಸ್ಟ್ರೊಜೆನ್ ಹಾರ್ಮೋನ್ ಕಾರ್ಯನಿರ್ವಹಣೆಯ ಮೇಲೆ ಪರಿಣಾಮ ಬೀರುತ್ತವೆ ಎಂಬುದು ಕಂಡುಬಂದಿದೆ.
For More Updates Join our WhatsApp Group :
