ಬೆಂಗಳೂರು: ರಾಜ್ಯ ಸರ್ಕಾರದ ಜಾತಿ ಜನಗಣತಿಯ ನಿರ್ಧಾರ ಈಗ ಮತ್ತೊಂದು ವಿವಾದದ ತಿರುವು ಪಡೆದುಕೊಂಡಿದೆ. ಹೊಸ ಉಪಜಾತಿಗಳ ಸೃಷ್ಟಿ, ಜಾತಿಗಳ ಮುಂದೆ ‘ಕ್ರಿಶ್ಚಿಯನ್’ ಎಂಬ ಟ್ಯಾಗ್, ಮತ್ತು ಜಾತಿ ವಿಚಾರದಲ್ಲಿ ರಾಜ್ಯದ ಅಧಿಕಾರ ಮೀರಿ ನಡೆದುಕೊಳ್ಳುವ ಚಿಂತನೆ ಕುರಿತಂತೆ ಹೈಕೋರ್ಟ್ನಲ್ಲಿ ಇದೀಗ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ (PIL) ದಾಖಲಾಗಿದೆ.
“ಜಾತಿ ಗಣತಿಯ ಹಕ್ಕು ಕೇಂದ್ರ ಸರ್ಕಾರದ್ದೆ”: ವಾದ
ಹೈಕೋರ್ಟ್ಗೆ ಸಲ್ಲಿಸಲಾದ ಅರ್ಜಿ ಪ್ರಕಾರ:
“ರಾಜ್ಯ ಸರ್ಕಾರ 15 ದಿನಗಳ ಒಳಗಡೆ, ದಸರಾ ರಜೆಯಲ್ಲಿಯೇ ತುರ್ತು ತ್ಯಾರಿ ನಡೆಸುತ್ತಿದೆ. ಈ ಸಂದರ್ಭದಲ್ಲಿ ಜನ ಕೃಷಿ ಮತ್ತು ಹಬ್ಬದ ತೊಡಕಿನಲ್ಲಿ ನಿರತರಾಗಿರುವಾಗ ಜಾತಿ ಗಣತಿ ಹೇಗೆ ನ್ಯಾಯಸಮ್ಮತವಾಗಬಹುದು?” ಎಂದು ಪ್ರಶ್ನಿಸಲಾಗಿದೆ.
ಹೊಸ ಉಪಜಾತಿಗಳ ಸೃಷ್ಟಿಯ ಆರೋಪ
ಸರ್ಕಾರದ ಕೈಪಿಡಿಯಲ್ಲಿ 1500 ಕ್ಕೂ ಹೆಚ್ಚು ಉಪಜಾತಿಗಳನ್ನು ಪ್ರತ್ಯೇಕವಾಗಿ ಗುರುತಿಸಲಾಗಿದೆ.
ಇದೇ ಮಾತ್ರವಲ್ಲದೆ, ಕೆಲ ಹಿಂದೂ ಜಾತಿಗಳ ಮುಂದೆ ‘ಕ್ರಿಶ್ಚಿಯನ್‘ ಎಂದು ಉಲ್ಲೇಖ ಮಾಡಿರುವುದು ಈಗ ಭಾರೀ ಆಕ್ರೋಶಕ್ಕೆ ಕಾರಣವಾಗಿದೆ.
ಹೊಂದಿದ ವಿವಾದಿತ ಉದಾಹರಣೆಗಳು:
- ಬ್ರಾಹ್ಮಣ ಕ್ರಿಶ್ಚಿಯನ್
- ಜಂಗಮ ಕ್ರಿಶ್ಚಿಯನ್
- ಕುರುಬ ಕ್ರಿಶ್ಚಿಯನ್
- ವಿಶ್ವಕರ್ಮ ಕ್ರಿಶ್ಚಿಯನ್
- ಓಕ್ಕಲಿಗ ಕ್ರಿಶ್ಚಿಯನ್
ಸಾಮಾಜಿಕ ವೇದಿಕೆಗಳ ತೀವ್ರ ಆಕ್ಷೇಪ
‘ಹಿಂದೂಗಳ ಜಾತಿಗಳ ನಡುವೆ ಕ್ರಿಶ್ಚಿಯನ್ ನುಗ್ಗಿಸುವ ಹುನ್ನಾರ’ ಎಂಬ ಶೀರ್ಷಿಕೆಯಲ್ಲಿ ಹಲವಾರು ಸಂಘಟನೆಗಳು ಸರ್ಕಾರದ ವಿರುದ್ಧ ಪ್ರತಿಭಟನೆಗೆ ಮುಂದಾಗಿವೆ.
“ಸಾಮಾಜಿಕ ನ್ಯಾಯ ಜಾಗೃತಿ ವೇದಿಕೆ“ ಈಗಾಗಲೇ ಸೆಪ್ಟೆಂಬರ್ 16ರಂದು ಬೆಂಗಳೂರುದಲ್ಲಿ ಸಭೆ ನಡೆಸಲು ಉದ್ದೇಶಿಸಿದೆ.
ಸರ್ಕಾರದ ವಿರುದ್ಧದ ಮನವಿ ಪೀಠದ ಮುಂದೆ
ಅರ್ಜಿದಾರರಾದ ವಕೀಲ ಕೆ.ಎನ್. ಸುಬ್ಬಾರೆಡ್ಡಿ ಸೇರಿದಂತೆ ಇತರರು ಹೈಕೋರ್ಟ್ಗೆ ಸಲ್ಲಿಸಿದ ಪಿಐಎಲ್ನಲ್ಲಿ ಈ ಮುಖ್ಯ ವಿಷಯಗಳನ್ನೊಳಗೊಂಡಿವೆ:
- ರಾಜ್ಯ ಸರ್ಕಾರದ ಜಾತಿಗಣತಿ ರದ್ದುಪಡಿಸಬೇಕು
- ಇದು ಜನಾಂಗೀಯ ಬೇರ್ಪಡಿಕೆ ಉಂಟುಮಾಡಲಿದೆ
- ಇದು ಕೇಂದ್ರ ಸರ್ಕಾರದ ಅಧಿಕಾರ ವ್ಯಾಪ್ತಿಗೆ ಒಳಪಡುವ ವಿಷಯ
- ಟೈಮಿಂಗ್ ಹಾಗೂ ಪ್ರಕ್ರಿಯೆ ಬಗ್ಗೆ ತೀವ್ರ ಆಕ್ಷೇಪಗಳಿವೆ
ಮುಂದೇನು?
- ಸೆಪ್ಟೆಂಬರ್ 22ರಿಂದ ರಾಜ್ಯ ಸರ್ಕಾರ ಜಾತಿಗಣತಿ ಪ್ರಕ್ರಿಯೆ ಆರಂಭಿಸಲು ಸಿದ್ಧತೆ ನಡೆಸುತ್ತಿದ್ದಂತೆ, ಈಗ ಹೈಕೋರ್ಟ್ನ ತೀರ್ಮಾನವೇ ಮುಂದಿನ ನಡವಳಿಕೆಗೆ ದಿಕ್ಕು ತೋರಲಿದೆ.
- ಇದು ಕೇವಲ ಆಡಳಿತಾತ್ಮಕ ವಿಷಯವಲ್ಲ, ರಾಜ್ಯದ ಸಮಾಜದ ಸ್ವರೂಪವನ್ನು ಬದಲಾಯಿಸಬಲ್ಲ ಗಂಭೀರ ಸಂಗತಿ ಎಂಬ ಆತಂಕ ವ್ಯಕ್ತವಾಗಿದೆ.
For More Updates Join our WhatsApp Group :
