ಚಿತ್ರದುರ್ಗ: ನಟ ದರ್ಶನ್ ಪ್ರಕರಣದಲ್ಲಿ ಕೊಲೆಯಾಗಿದ್ದ ರೇಣುಕಾಸ್ವಾಮಿ ಅವರ ಪತ್ನಿ ಸಹನಾ ಈಗ ಕುಟುಂಬದ ಜವಾಬ್ದಾರಿ ಹೊತ್ತಿದ್ದಾರೆ. ಈ ಹಿನ್ನಲೆಯಲ್ಲಿ, ಚಳ್ಳಕೆರೆ ಶಾಸಕ ಟಿ. ರಘುಮೂರ್ತಿ ಅವರು ಸಹನಾಗೆ ಸರ್ಕಾರಿ ಕೆಲಸ ಕೊಡಿಸುವ ಭರವಸೆ ನೀಡಿದ್ದು, ಕುಟುಂಬಕ್ಕೆ ₹1 ಲಕ್ಷ ಆರ್ಥಿಕ ನೆರವನ್ನೂ ನೀಡಿದ್ದಾರೆ.
ಮನೆಗೆ ಭೇಟಿ ನೀಡಿದ ಶಾಸಕ:
ಆಗಸ್ಟ್ 15ರಂದು ರೇಣುಕಾಸ್ವಾಮಿ ಕುಟುಂಬದ ದಾರುಣ ಸ್ಥಿತಿಗತಿಯ ಸಾರ್ವಜನಿಕ ಗಮನ ಸೆಳೆದಿತ್ತು. ಇದಾದ ಬಳಿಕ, ಶಾಸಕ ರಘುಮೂರ್ತಿ ರೇಣುಕಾಸ್ವಾಮಿಯ ಮನೆಗೆ ಭೇಟಿ ನೀಡಿ, ಕುಟುಂಬದ ಜೊತೆ ಮಾತನಾಡಿದರು. ಅವರೊಂದಿಗೆ ಮಾಜಿ ಜಿಲ್ಲಾ ಪಂಚಾಯತ್ ಸದಸ್ಯ ಬಾಬುರೆಡ್ಡಿ, ರವಿಕುಮಾರ್, ಹಾಗೂ ಲಿಂಗರಾಜ್ ಉಪಸ್ಥಿತರಿದ್ದರು.
ಸಹನಾಗೆ ಉದ್ಯೋಗ ಭರವಸೆ – ಮಠದ ಸಂಪರ್ಕ:
ರಘುಮೂರ್ತಿ ಅವರು ಮುರುಘಾ ಮಠದ ಆಡಳಿತಾಧಿಕಾರಿ ಶಿವಯೋಗಿ ಕಳಸದ್ ಅವರನ್ನು ಕರೆ ಮಾಡಿ, ಮಠದ ಸಂಸ್ಥೆಯಲ್ಲಿ ಸಹನಾಗೆ ಕೆಲಸ ನೀಡಲು ಮನವಿ ಮಾಡಿದ್ದಾರೆ. ಜೊತೆಗೆ ಸಿರಿಗೆರೆ ತರಳಬಾಳು ಮಠದೊಂದಿಗೆ ಸಂಪರ್ಕ ಸಾಧಿಸಿ ಕೆಲಸದ ಅವಕಾಶ ಹುಡುಕುವುದಾಗಿ ಹೇಳಿದರು. ಕೊನೆಯದಾಗಿ, ಸರ್ಕಾರಿ ಅನುದಾನಿತ ಸಂಸ್ಥೆಯೊಂದರಲ್ಲಿ ಕ್ಲರ್ಕ್ ಹುದ್ದೆಗಾಗಿ ಸಹನಾ ಪರವಾಗಿ ಪ್ರಯತ್ನ ಮಾಡುವ ಭರವಸೆ ನೀಡಿದ್ದಾರೆ.
ಆರ್ಥಿಕ ನೆರವು ಹಾಗೂ ಧೈರ್ಯ:
ರೇಣುಕಾಸ್ವಾಮಿ ಕುಟುಂಬಕ್ಕೆ ತಕ್ಷಣದ ಸಹಾಯವಾಗಿ ₹1 ಲಕ್ಷ ಹಣ ನೀಡಿದ ಶಾಸಕರು, ಅವರ ಪತ್ನಿಗೆ ಉದ್ಯೋಗ ದೊರಕುವವರೆಗೆ ಅಗತ್ಯ ಬೆಂಬಲ ನೀಡುವುದಾಗಿ ತಿಳಿಸಿದ್ದಾರೆ.
ತಂದೆ ಕಾಶೀನಾಥಯ್ಯ ಪ್ರತಿಕ್ರಿಯೆ:
“ಶಾಸಕರು ಮನೆಗೆ ಬಂದು ನಮ್ಮ ವ್ಯಥೆ ಕೇಳಿದರು. ಸಹನಾಗೆ ಕೆಲಸದ ಭರವಸೆ ಕೊಟ್ಟಿದ್ದು ನಮಗೆ ಧೈರ್ಯ ನೀಡಿದೆ. ರೇಣುಕಾಸ್ವಾಮಿಯ ತಂದೆ ಕಾಶೀನಾಥಯ್ಯ ಹೇಳಿದ್ದಾರೆ.
For More Updates Join our WhatsApp Group :
