ಡಿ. ಗುಕೇಶ್‌ಗೆ ಶಾಲು ಮತ್ತು ಪುಸ್ತಕವನ್ನು ಉಡುಗೊರೆಯಾಗಿ ನೀಡಿದ ರಜನಿಕಾಂತ್. ಚೆಸ್ ಚಾಂಪಿಯನ್‌ಗೆ ಆಶೀರ್ವಾದದ ಸುರಿಮಳೆ. ಡಿ. ಗುಕೇಶ್ ಗುರುವಾರ ಬೆಳಿಗ್ಗೆ ತಮ್ಮ ಎಕ್ಸ್ ಹ್ಯಾಂಡಲ್‌ನಲ್ಲಿ ಪೋಸ್ಟ್ಅನ್ನು ಹಂಚಿಕೊOಡಿದ್ದಾರೆ ಮತ್ತು ಸೂಪರ್‌ಸ್ಟಾರ್ ರಜನಿಕಾಂತ್ ಅವರೊಂದಿಗಿನ ಭೇಟಿಯ ಚಿತ್ರಗಳನ್ನು ಪೋಸ್ಟ್ ಮಾಡಿದ್ದಾರೆ.
ಡಿ. ಗುಕೇಶ್ ಅವರು ಸಿಂಗಾಪುರದಲ್ಲಿ ಅತ್ಯಂತ ಕಿರಿಯ ವಿಶ್ವ ಚೆಸ್ ಚಾಂಪಿಯನ್ ಆಗುವ ಮೂಲಕ ಇತಿಹಾಸ ಬರೆದ ನಂತರ ಹದಿನೈದು ದಿನಗಳು ಕಳೆದಿವೆ. ಗುಕೇಶ್ 2024ರ ಎಫ್‌ಐಡಿಇ ವಿಶ್ವ ಚಾಂಪಿಯನ್‌ಶಿಪ್‌ನ ನಿರ್ಣಾಯಕ 14ನೇ ಗೇಮ್‌ನಲ್ಲಿ ಹಾಲಿ ಚಾಂಪಿಯನ್ ಚೀನಾದ ಡಿಂಗ್ ಲಿರೆನ್ ಅವರನ್ನು ಹಿಂದಿಕ್ಕಿದರು. ಭಾರತೀಯ ಗ್ರಾಂಡ್‌ಮಾಸ್ಟರ್ ಭಾರತೀಯ ಅಭಿಮಾನಿಗಳು ಮತ್ತು ಸೆಲೆಬ್ರಿಟಿಗಳಿಂದ ಅಗಾಧ ಬೆಂಬಲ ಮತ್ತು ಪ್ರೀತಿಯನ್ನು ಪಡೆದಿದ್ದಾರೆ.
ಗುಕೇಶ್‌ಗೆ ತನ್ನ ಪ್ರೀತಿ ಮತ್ತು ಆಶೀರ್ವಾದವನ್ನು ನೀಡಿದ ಇತ್ತೀಚಿನ ಸೆಲೆಬ್ರಿಟಿ ಬೇರೆ ಯಾರೂ ಅಲ್ಲ. ಅವರೇ, ಗುರುವಾರ ಚೆನ್ನೈನಲ್ಲಿ ಭೇಟಿಯಾದ ಮೆಗಾಸ್ಟಾರ್ ರಜನಿಕಾಂತ್. ಹಾಗೆಯೇ ನಟ, ಹಿನ್ನೆಲೆ ಗಾಯಕ, ಗೀತರಚನೆಕಾರ, ಚಲನಚಿತ್ರ ನಿರ್ಮಾಪಕ ಮತ್ತು ದೂರದರ್ಶನ ನಿರೂಪಕ, ಶಿವಕಾರ್ತಿಕೇಯನ್ ದಾಸ್ ಅವರು ಚೆಸ್ ಸೆನ್ಸೇಷನ್ ಅವರನ್ನು ಭೇಟಿಯಾದರು. ಮೆಗಾಸ್ಟಾರ್ ರಜನಿಕಾಂತ್, ಕಪ್ಪು ಕುರ್ತಾ ಮತ್ತು ಬೂದುಬಣ್ಣದ ಲುಂಗಿಯಲ್ಲಿ ಗುಕೇಶ್ ಮತ್ತು ಅವರ ಪೋಷಕರೊಂದಿಗೆ ಸ್ನ್ಯಾಪ್‌ಗಳಿಗೆ ಪೋಸ್ ನೀಡುವಾಗ ಕ್ಲಾಸಿಯಾಗಿ ಕಾಣುತ್ತಿದ್ದರು. ಚೆಸ್ ಐಕಾನ್ ಅವರ ತಂದೆಯ ಹೆಸರು ಕೂಡ ರಜನಿಕಾಂತ್ ಆಗಿದ್ದು, ಅವರ ತಾಯಿ ಮತ್ತು ಮೈಕ್ರೋಬಯಾಲಜಿಸ್ಟ್ ಪದ್ಮಾವತಿ ಅವರು ಸಭೆಯಲ್ಲಿ ಉಪಸ್ಥಿತರಿದ್ದರು. ತಮಿಳು ಚಿತ್ರರಂಗದ ‘ತಲೈವರ್’ ಎಂದೂ ಕರೆಯಲ್ಪಡುವ ರಜನಿಕಾಂತ್ ಅವರು ಗುಕೇಶ್‌ಗೆ ಶಾಲು ಮತ್ತು 1946ರ ಆಧ್ಯಾತ್ಮಿಕ ಶ್ರೇಷ್ಠ ಪರಮಹಂಸ ಯೋಗಾನಂದರ ಆತ್ಮಚರಿತ್ರೆಯ ಪುಸ್ತಕವನ್ನು ಗುಕೇಶ್‌ಗೆ ಉಡುಗೊರೆಯಾಗಿ ನೀಡಿದರು.
