ಪಂಚಾಯತ್ ಖ್ಯಾತಿಯ ನಟಿ ತೃಪ್ತಿ ಸಾಹು ಅವರು ಟಿವಿ ಮತ್ತು ಸಿನಿಮಾ ಉದ್ಯಮದಲ್ಲಿ ನಟ-ನಟಿಯರು ಸೌಂದರ್ಯಕ್ಕಾಗಿ ಅನುಸರಿಸುವ ಅಪಾಯಕಾರಿ ವಿಧಾನಗಳ ಬಗ್ಗೆ ಬಹಿರಂಗಪಡಿಸಿದ್ದಾರೆ. ಸೌಂದರ್ಯ ವರ್ಧಕ ಇಂಜೆಕ್ಷನ್ಗಳು ಮತ್ತು ಬಿಳಿಯಾಗಲು ಔಷಧಿಗಳ ಬಳಕೆಯಿಂದ ಉಂಟಾಗುವ ಅಪಾಯಗಳನ್ನು ಅವರು ಎತ್ತಿ ತೋರಿಸಿದ್ದಾರೆ. ಸ್ವಾಭಾವಿಕ ಸೌಂದರ್ಯವನ್ನು ಒಪ್ಪಿಕೊಳ್ಳುವ ಮಹತ್ವವನ್ನು ಅವರು ಒತ್ತಿ ಹೇಳಿದ್ದಾರೆ.
ಸಿನಿಮಾ ಹಾಗೂ ಧಾರಾವಾಹಿಗಳಲ್ಲಿ ಕಾಣಿಸಿಕೊಳ್ಳುವು ನಟ-ನಟಿಯರಿಗೆ ಹೆಚ್ಚಿನ ಪ್ರಾಮುಖ್ಯತೆ ನೀಡಲಾಗುತ್ತದೆ. ಇದರಿಂದಾಗಿ, ಅನೇಕ ನಟ-ನಟಿಯರು ವಿವಿಧ ಚಿಕಿತ್ಸೆಗಳಿಗೆ ಒಳಗಾಗುತ್ತಾರೆ. ಅದೇ ರೀತಿ, ನಟಿಯರು ಸುಂದರವಾಗಿ ಕಾಣಲು ಏನು ಮಾಡುತ್ತಾರೆ ಎಂಬುದನ್ನು ನಟಿಯೊಬ್ಬರು ಬಹಿರಂಗಪಡಿಸಿದ್ದಾರೆ. ಜನಪ್ರಿಯ ವೆಬ್ ಸರಣಿ ‘ಪಂಚಾಯತ್’ ನಲ್ಲಿ ಕಾಣಿಸಿಕೊಂಡ ನಟಿ ತೃಪ್ತಿ ಸಾಹು, ಟಿವಿ ಉದ್ಯಮದಲ್ಲಿ ಅನೇಕರು ಸುಂದರವಾಗಿ ಕಾಣುವ ಗೀಳನ್ನು ಹೊಂದಿದ್ದಾರೆ ಎಂದು ಹೇಳಿದರು. ಇತ್ತೀಚಿನ ಸಂದರ್ಶನವೊಂದರಲ್ಲಿ, ಅವರು ಈ ಬಗ್ಗೆ ತಮ್ಮ ಅಭಿಪ್ರಾಯಗಳನ್ನು ಮುಕ್ತವಾಗಿ ವ್ಯಕ್ತಪಡಿಸಿದ್ದಾರೆ.
‘ಡಿಜಿಟಲ್ ಕಾಮೆಂಟರಿ’ಗೆ ನೀಡಿದ ಸಂದರ್ಶನದಲ್ಲಿ ತೃಪ್ತಿ ಅವರಿಗೆ ಈ ಬಗ್ಗೆ ಕೇಳಲಾಗಿದೆ. ‘ಸುಂದರವಾಗಿ ಕಾಣಲು ಹೀಗೆ ಮಾಡು, ಹಾಗೆ ಮಾಡು ಎಂದು ನನಗೆ ಅನೇಕ ಜನರಿಂದ ಸಲಹೆ ಸಿಕ್ಕಿತು. 2018 ರಲ್ಲಿ, ನನಗೆ ತಿಳಿದಿರುವ ಒಬ್ಬ ಹುಡುಗಿ ನನಗೆ ಇಂಜೆಕ್ಷನ್ ನೀಡಿ ಅದನ್ನು ತೆಗೆದುಕೊಳ್ಳಿ ಎಂದಿದ್ದಳು. ನೀನು ಸುಂದರವಾಗಿ ಕಾಣುತ್ತೀಯಾ ಎಂದು ಕೂಡ ಆಕೆ ಹೇಳಿದ್ದಳು’ ಎಂದಿದ್ದಾರೆ ತೃಪ್ತಿ.
‘ನಾನು ಚಿಕ್ಕವನಿದ್ದಾಗ ಒಂದು ವಿಷಯವನ್ನು ಕಲಿತಿದ್ದೆ. ಈ ಮೂಗು ಸುಂದರವಾಗಿದೆ ಎಂದು ನನಗೆ ಯಾವಾಗಲೂ ಹೇಳಲಾಗುತ್ತಿತ್ತು. ಅದು ಸ್ವಾಭಾವಿಕವಾಗಿ ಇರೋ ಮೂಗು. ಹೀಗಾಗಿ ಖುಷಿ ಇದೆ. ಆದರೆ ಅದನ್ನು ಆರ್ಟಿಫೀಷಯಲ್ ಆಗಿ ಸರಿ ಮಾಡಿಸಿಕೊಂಡಿದ್ದರೆ ಅದು ಸರಿ ಅಲ್ಲ. ನನಗೆ ಅಂತಹ ಯಾವುದೇ ಉತ್ಪನ್ನಗಳು ಬೇಡ ಎಂದು ನಾನು ಅವಳಿಗೆ ಸ್ಪಷ್ಟವಾಗಿ ಹೇಳಿದೆ. ಲೋಖಂಡ್ವಾಲಾದ ಎಲ್ಲಾ ಹುಡುಗಿಯರು ಅವಳಿಂದ ಇಂಜೆಕ್ಷನ್ ತೆಗೆದುಕೊಂಡಿದ್ದಾರೆ ಎಂದು ನನಗೆ ಹೇಳಿದ್ದು ಅವಳೇ’ ಎಂದು ತೃಪ್ತಿ ವಿವರಿಸಿದರು.
