ವಯಸ್ಸು ಹೆಚ್ಚಾದಂತೆ ದೇಹದಲ್ಲಿ ಹಲವು ಬದಲಾವಣೆಗಳು ಸಂಭವಿಸುತ್ತವೆ. ಅದರಲ್ಲೂ ಮಹಿಳೆಯರಲ್ಲಿ ಋತುಚಕ್ರ (Menstrual Cycle) ನಿಲ್ಲುವ ಸಮಯದ ನಂತರ – ಅಂದರೆ ಮೆನೋಪಾಸ್ ಆಗಿದ ನಂತರ – ಆರೋಗ್ಯದ ಮೇಲೆ ಗಂಭೀರ ಪರಿಣಾಮ ಬೀರುತ್ತದೆ. ಈ ಮೆನೋಪಾಸ್ ಸಮಯದಲ್ಲಿ ಮಹಿಳೆಯರಲ್ಲಿ ಹಲವಾರು ಹಾರ್ಮೋನಲ್ ಬದಲಾವಣೆಗಳು ಉಂಟಾಗುತ್ತವೆ. ಇದರ ಪರಿಣಾಮವಾಗಿ ಹೃದಯ ಸಂಬಂಧಿ ಕಾಯಿಲೆಗಳ ಅಪಾಯ ಹೆಚ್ಚಾಗುತ್ತದೆ.
ಸಾಮಾನ್ಯವಾಗಿ 45ರಿಂದ 55ರ ವಯಸ್ಸಿನೊಳಗೆ ಮೆನೋಪಾಸ್ ಕಾಣಿಸಿಕೊಳ್ಳುವುದು ಸಾಮಾನ್ಯ. ಈ ಸಮಯದಲ್ಲಿ ದೇಹದ ಈಸ್ಟ್ರೊಜೆನ್ ಮತ್ತು ಪ್ರೊಜೆಸ್ಟರಾನ್ ಎಂಬ ಪ್ರಮುಖ ಹಾರ್ಮೋನುಗಳ ಮಟ್ಟ ತೀವ್ರವಾಗಿ ಇಳಿಯುತ್ತದೆ ಸಂಶೋಧನೆಗಳ ಪ್ರಕಾರ, ಮೆನೋಪಾಸ್ ನಂತರ ಮಹಿಳೆಯರಲ್ಲಿ ಹೃದಯ ಸಂಬಂಧಿ ಸಮಸ್ಯೆಗಳು ಪುರುಷರಿಗಿಂತ ಹೆಚ್ಚಾಗಿ ಕಂಡುಬರುತ್ತವೆ.
ಹೀಗಾಗಿ, ಮೆನೋಪಾಸ್ ಆಗಿದ ಬಳಿಕ ಮಹಿಳೆಯರು ತಮ್ಮ ಆಹಾರ ಕ್ರಮ, ಜೀವನಶೈಲಿ ಮತ್ತು ಮನಸ್ಸಿನ ಆರೋಗ್ಯದ ಕಡೆ ಹೆಚ್ಚು ಗಮನ ನೀಡಬೇಕಾಗಿದೆ. ನಿಯಮಿತ ಆರೋಗ್ಯ ತಪಾಸಣೆಗಳ ಮೂಲಕ ಹೃದಯದ ಆರೋಗ್ಯವನ್ನು ಉಳಿಸಿಕೊಳ್ಳಬಹುದು.
ಆಹಾರಕ್ರಮ ಹೇಗಿರಬೇಕು..?
ಮೆನೋಪಾಸ್ ನಂತರ ಮಹಿಳೆಯರು ಹೆಚ್ಚು ಧಾನ್ಯ ಹಣ್ಣು, ಹಸಿರು ತರಕಾರಿ, ಕಡಿಮೆ ಕೊಬ್ಬಿನ ಪ್ರೋಟೀನ್ ಹಾಗೂ ಆರೋಗ್ಯಕರ ಕೊಬ್ಬಿನಾಂಶ ಹೊಂದಿರುವ ಆಹಾರಗಳನ್ನು ಸೇವಿಸಬೇಕು. ಒಮೆಗಾ-3 ಫ್ಯಾಟಿ ಆಸಿಡ್ಗಳನ್ನು ಹೊಂದಿರುವ ಆಹಾರಗಳು—ಜತೆಗೆ ಸಾಲ್ಮನ್, ಅಗಸೆಬೀಜ ವಾಲ್ನಟ್ ಇತ್ಯಾದಿಗಳನ್ನು ತಮ್ಮ ನಿತ್ಯದ ಆಹಾರದಲ್ಲಿ ಸೇರಿಸಿಕೊಳ್ಳಬೇಕು. ಇವು ರಕ್ತದ ಹರಿವನ್ನು ಸುಗಮಗೊಳಿಸಿ, ಉರಿಯೂತ ನಿವಾರಣೆ ಮೂಲಕ ಹೃದಯದ ರಕ್ಷಣೆ ಮಾಡುತ್ತವೆ.
ಆರೋಗ್ಯಕರ ಜೀವನಶೈಲಿ ಹೇಗಿರಬೇಕು..?
ಈ ಸಮಯದಲ್ಲಿ ದೈಹಿಕ ಚಟುವಟಿಕೆ ಬಹುಮುಖ್ಯ. ಪ್ರತಿದಿನ 30 ನಿಮಿಷಗಳಷ್ಟು ವ್ಯಾಯಾಮ, ಯೋಗ ಅಥವಾ ಪ್ರಾಣಾಯಾಮ ಮಾಡಿದರೆ ದೇಹದ ಚಟುವಟಿಕೆ ನೆಲೆಯಲ್ಲಿರುತ್ತದೆ. ಸ್ನಾಯು ಶಕ್ತಿಯನ್ನು ಕಾಪಾಡಿಕೊಳ್ಳುವುದು ಮತ್ತು ಮೂಳೆಯ ದಪ್ಪತೆಯನ್ನು ಉಳಿಸಿಕೊಳ್ಳುವುದು ಹೃದಯದ ಆರೋಗ್ಯಕ್ಕಷ್ಟೆ ಅಲ್ಲದೆ ದೈಹಿಕ ಸಮತೋಲನಕ್ಕೂ ಸಹಾಯಕವಾಗುತ್ತದೆ.
ಅದರಿಂದಲೇ, ನಿದ್ರೆ ಮತ್ತು ಮನಶ್ಶಾಂತಿಯತ್ತ ಕೂಡ ಗಮನ ಹರಿಸಬೇಕು. ಒತ್ತಡ ಹಾಗೂ ಆತಂಕದಿಂದ ದೂರವಿರುವುದು, ಧ್ಯಾನ ಅಥವಾ ನಿಮ್ಮಿಷ್ಟದ ಹವ್ಯಾಸಗಳಲ್ಲಿ ತೊಡಗಿಸಿಕೊಳ್ಳುವುದರಿಂದ ಸಾಧ್ಯ. ಮೆನೋಪಾಸ್ ಬಳಿಕ ಮಹಿಳೆಯರಿಗೆ ಹಾರ್ಮೋನು ಬದಲಾವಣೆಗಳ ಕಾರಣದಿಂದಾಗಿ ಹೃದಯ ಸಂಬಂಧಿ ಕಾಯಿಲೆಗಳ ಅಪಾಯ ಹೆಚ್ಚಾಗುತ್ತದೆ. ಆದ್ದರಿಂದ, ಈ ಹಂತದಲ್ಲಿ ಆಹಾರ ಕ್ರಮ, ನಿತ್ಯ ವ್ಯಾಯಾಮ, ಮಾನಸಿಕ ಶಾಂತಿ ಹಾಗೂ ಆರೋಗ್ಯ ತಪಾಸಣೆಗೆ ಹೆಚ್ಚಿನ ಆದ್ಯತೆ ನೀಡುವುದು ಅನಿವಾರ್ಯ. ಆರೋಗ್ಯಕರ ಜೀವನಶೈಲಿಯ ಮೂಲಕ ಜೀವನವನ್ನೇ ಸುಸ್ಥಿರವಾಗಿ ಮುಂದುವರಿಸಬಹುದು.
