ಬೆಂಗಳೂರು: ವಿಧಾನಸೌಧದ ಒಳನೋಟ ವೀಕ್ಷಣೆಗೆ ಸಾರ್ವಜನಿಕರಿಗೆ ಅವಕಾಶ ನೀಡಿದ ಕ್ರಮವೊಂದು ಜನಮಾನಸದಲ್ಲಿ ಮೆಚ್ಚುಗೆ ಗಳಿಸಿದಂತೆಯೇ, ಇದೀಗ **ರಾಜಭವನ ಕೂಡಾ ಸಾರ್ವಜನಿಕ ವೀಕ್ಷಣೆಗೆ ಮುಕ್ತವಾಗಲಿದೆ** ಎಂಬ ಸುದಿನ ಸುದ್ದಿಯಾಗಿದೆ. ನಾಡಿನ ಇತಿಹಾಸ, ವಾಸ್ತುಶಿಲ್ಪ ಮತ್ತು ಆಡಳಿತಪರ ಪರಂಪರೆಗಳನ್ನು ಒಳಗೊಂಡಿರುವ ಈ ಐತಿಹಾಸಿಕ ಕಟ್ಟಡವನ್ನು ಸಾರ್ವಜನಿಕರು ಈಗ ಓಲೈಸಬಹುದಾಗಿದೆ.
ರಾಜಭವನ: ಇತಿಹಾಸದಿಂದಲೂ ಗರಿಮೆಯ ಪ್ರತೀಕ
1840-1842ರ ಅವಧಿಯಲ್ಲಿ ಸರ್ ಮಾರ್ಕ್ ಕಬ್ಬನ್ ಅವರು ಈ ಭವ್ಯ ಕಟ್ಟಡವನ್ನು ಬ್ರಿಟಿಷ್ ಆಯುಕ್ತರ ನಿವಾಸವಾಗಿ ನಿರ್ಮಿಸಿದರು. ಪ್ರಾರಂಭದಲ್ಲಿ ರೆಸಿಡೆನ್ಸಿ ಎಂದು ಕರೆಯಲಾಗುತ್ತಿದ್ದ ಈ ಭವನವು ಭಾರತದ ಮೊದಲ ರಾಷ್ಟ್ರಪತಿ ಡಾ. ರಾಜೇಂದ್ರ ಪ್ರಸಾದ್, ಅಮೆರಿಕದ ಪ್ರಥಮ ಮಹಿಳೆ ಎಲೀನರ್ ರೂಸ್ವೆಲ್ಟ್, ಅವರಂತಹ ವಿಶ್ವದ ಗಣ್ಯರನ್ನು ಆತಿಥ್ಯ ವಹಿಸಿದ ಪ್ರಸಿದ್ಧ ಅತಿಥಿ ಗೃಹವೂ ಆಗಿತ್ತು.ಸ್ವಾತಂತ್ರ್ಯಾನಂತರ ಇದನ್ನು ರಾಜಭವನವೆಂದು ಪರಿವರ್ತಿಸಲಾಗಿದ್ದು, ಇಂದು ಇದು ಕರ್ನಾಟಕ ರಾಜ್ಯಪಾಲರ ಅಧಿಕೃತ ನಿವಾಸವಾಗಿದೆ.
ಕರ್ನಾಟಕ ರಾಜ್ಯ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮ (KSTDC)ಇತ್ತೀಚೆಗೆ ಈ ಐತಿಹಾಸಿಕ ಕಟ್ಟಡದೊಳಗೆ ಗೈಡ್ ವಾಕ್ ಟೂರ್ಆರಂಭಿಸಲು ತೀರ್ಮಾನಿಸಿದೆ.
ರಾಜ್ಯಪಾಲ ಥಾವರ್ಚಂದ್ ಗೆಹ್ಲೋಟ್ ಅವರು ಈ ಯೋಜನೆಗೆ ಅಧಿಕೃತ ಅನುಮೋದನೆ ನೀಡಿದ್ದಾರೆ. ವಿಧಾನಸೌಧದ ಪ್ರವಾಸವು ಜನರಲ್ಲಿ ಉತ್ಸಾಹ ಹಾಗೂ ಆಕರ್ಷಣೆಯನ್ನು ಹುಟ್ಟಿಸಿದ್ದ ಪರಿಣಾಮ, ಇದೀಗ ರಾಜಭವನ ವೀಕ್ಷಣೆಯ ಯೋಜನೆ ಹಮ್ಮಿಕೊಳ್ಳಲಾಗಿದೆ ಎಂದು ಪ್ರವಾಸೋದ್ಯಮ ಇಲಾಖೆ ತಿಳಿಸಿದೆ.
ವಾಸ್ತುಶಿಲ್ಪದ ವೈಭವ, ಇತಿಹಾಸದ ಓರಾಟ
ರಾಜಭವನವು ತನ್ನ ಶ್ವೇತ ವರ್ಣದ ಗಂಭೀರ ಶೈಲಿ ಇಂಗ್ಲಿಷ್ ವಾಸ್ತುಶಿಲ್ಪದ ಪ್ರಭಾವ, ಇತಿಹಾಸದ ನೆನಪುಗಳಿಂದ ಕೂಡಿದ ಕೋಣೆಗಳು ಇತ್ಯಾದಿಗಳಿಂದ ಈಡೇನೂ ಐತಿಹಾಸಿಕ ಪರಂಪರೆ ಆಳವಾಗಿ ಮೂಡಿಸಿಕೊಂಡಿದೆ.
ಸಾರ್ವಜನಿಕ ಪ್ರವೇಶದ ಮಾಹಿತಿ ಶೀಘ್ರದಲ್ಲೇ!
ಗೈಡ್ ಟೂರಿನ ನಿಖರ ದಿನಾಂಕ, ಪ್ರವೇಶ ಸಮಯ, ಹಾಗೂ ಆನ್‌ಲೈನ್ ಬುಕ್ಕಿಂಗ್ ವಿವರಗಳನ್ನು KSTDC ಅಧಿಕೃತ ವೆಬ್‌ಸೈಟ್ ಅಥವಾ ಸಂಸ್ಥೆಯ ಸಾಮಾಜಿಕ ಜಾಲತಾಣಗಳಲ್ಲಿ ಶೀಘ್ರದಲ್ಲೇ ಪ್ರಕಟಿಸಲಾಗುತ್ತದೆ.
For More Updates Join our WhatsApp Group :
