ಬೆಂಗಳೂರು: ಈ ವರ್ಷದ ಮೊದಲ ಆರು ತಿಂಗಳಲ್ಲೇ ಸೈಬರ್ ಅಪರಾಧಗಳಿಂದಾಗಿ ಬೆಂಗಳೂರಿಗರು ಬರೊಬ್ಬರಿ 845 ಕೋಟಿ ರೂಪಾಯಿಗಳನ್ನು ಕಳೆದುಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.
ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಡೆಬಿಟ್ ಮತ್ತು ಕ್ರೆಡಿಟ್ ಕಾರ್ಡ್ ವಂಚನೆ ಪ್ರಕರಣಗಳು ಗಣನೀಯವಾಗಿ ಹೆಚ್ಚಾಗಿದ್ದು, ಜನವರಿಯಿಂದ ಜೂನ್ ತಿಂಗಳ ವೇಳೆಗೆ ಒಟ್ಟು 9,260 ಪ್ರಕರಣಗಳಲ್ಲಿ ದಾಖಲಾಗಿದ್ದು, ಈ ಪೈಕಿ 1,485 ಪ್ರಕರಣಗಳು ಡೆಬಿಟ್ ಮತ್ತು ಕ್ರೆಡಿಟ್ ಕಾರ್ಡ್ ವಂಚನೆ ಪ್ರಕರಣಗಳಾಗಿವೆ.
ಈ ಹಗರಣದಲ್ಲಿ ಸಂತ್ರಸ್ತರಿಗೆ 41.53 ಕೋಟಿ ರೂ. ವಂಚನೆಯಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ತನಿಖಾಧಿಕಾರಿಗಳು ಡೆಬಿಟ್ ಮತ್ತು ಕ್ರೆಡಿಟ್ ಹಗರಣದಲ್ಲಿ ಸ್ಥಿರವಾದ ಮಾದರಿಯನ್ನು ಒತ್ತಿ ಹೇಳಿದ್ದು, ಎಲ್ಲಾ ವಂಚನೆಗಳು ಕರೆಗಳನ್ನು ವಾಯ್ಸ್ ಓವರ್ ಇಂಟರ್ನೆಟ್ ಪ್ರೋಟೋಕಾಲ್ (VoIP) ಸೇವೆಗಳನ್ನು ಬಳಸಿಕೊಂಡು ಮಾಡಲಾಗಿದೆ.
ಇದು ಕರೆ ಮಾಡುವವರ ನಿಜವಾದ ಸ್ಥಳವನ್ನು ‘ಅಂತರರಾಷ್ಟ್ರೀಯ ಸಂಖ್ಯೆಗಳಿಂದ’ ಮರೆಮಾಚುತ್ತದೆ ಮತ್ತು ಪತ್ತೆಹಚ್ಚುವಿಕೆಯನ್ನು ಅಸಾಧ್ಯಗೊಳಿಸುತ್ತದೆ. ದೂರುದಾರರಲ್ಲಿ ಅರ್ಧದಷ್ಟು ಜನರು ಬಲಿಪಶುವಾಗುವ ಮೊದಲು ವಹಿವಾಟುಗಳಿಗಾಗಿ ಸಾರ್ವಜನಿಕ ವೈ-ಫೈ ಬಳಸಿದ್ದರು ಎಂದು ಅಧಿಕಾರಿಗಳು ಪತ್ತೆ ಮಾಡಿದ್ದಾರೆ.
