ಆರೋಗ್ಯ ಸಲಹೆ : ತಾಯಿ ಆಗುವುದು ಪ್ರತಿಯೊಬ್ಬ ಮಹಿಳೆಯ ಕನಸು. ಗರ್ಭಧಾರಣೆಯ ನಂತರ, ಗರ್ಭದಲ್ಲಿರುವ ಮಗುವಿನ ಆರೋಗ್ಯಕ್ಕಿಂತ ಮತ್ತೇನೂ ಮಹತ್ವದದಾಗಿರುವುದಿಲ್ಲ. ಹೆಚ್ಚಿನ ಮಹಿಳೆಯರ ಗರ್ಭಧಾರಣೆ ಸುರಕ್ಷಿತವಾಗಿದ್ದರೂ, ಕೆಲವರಿಗೆ ಈ ವೇಳೆ ಹಲವು ಜಟಿಲತೆಗಳು ಎದುರಾಗಬಹುದು. ಇಂದು ವೈಜ್ಞಾನಿಕ ಪ್ರಗತಿಯ ಮೂಲಕ ಗರ್ಭದಲ್ಲಿರುವ ಮಗುವಿನ ಆರೋಗ್ಯ ಸ್ಥಿತಿಯನ್ನು ಮೊದಲಿನಿಂದಲೇ ಅರಿತುಕೊಳ್ಳುವುದು ಸಾಧ್ಯವಾಗಿದೆ.
ಫೀಟಲ್ ಮೆಡಿಸಿನ್ ಎಂದರೇನು..?
ಭ್ರೂಣ ವೈದ್ಯಶಾಸ್ತ್ರವು ಗರ್ಭದಲ್ಲಿರುವ ಮಗುವಿನ ದೈಹಿಕ ಹಾಗೂ ಮಾನಸಿಕ ದೌರ್ಬಲ್ಯಗಳನ್ನು ಪತ್ತೆಹಚ್ಚಿ, ಅವುಗಳಿಗೆ ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳುವ ಒಂದು ವೈಜ್ಞಾನಿಕ ವಿಧಾನವಾಗಿದೆ. ಈ ವಿಧಾನದಿಂದ ಮಕ್ಕಳಲ್ಲಿ ಜನ್ಮಪೂರ್ವ ದೋಷಗಳು, ಹುಟ್ಟುವ ಮೊದಲು ಪತ್ತೆಯಾಗುತ್ತವೆ ಹಾಗೂ ಕೆಲವು ಸಮಸ್ಯೆಗಳ ಬಗ್ಗೆ ತಕ್ಷಣವೇ ಚಿಕಿತ್ಸೆ ನೀಡಬಹುದಾಗಿದೆ.
ತಾಯಿಯ ಅಂಶಗಳು
– ಹೈ ಬ್ಲಡ್ ಪ್ರೆಶರ್
– ಶುಗರ/ಡೈಬೆಟಿಸ್
– ಥೈರಾಯ್ಡ್ ಸಮಸ್ಯೆ
– ಹೆಚ್ಚು ತೂಕ ಅಥವಾ ಅತಿಯಾದ ತೂಕ
– ಹಿಂದಿನ ಸಿಸೇರಿಯನ್ ಡಿಲಿವರಿ
– 35 ವರ್ಷ ಮೇಲ್ಪಟ್ಟ ವಯಸ್ಸು
– ಮಿಸ್ಕ್ಯಾರೇಜ್ ಇತಿಹಾಸ
ಭ್ರೂಣ ಸಂಬಂಧಿತ ಅಂಶಗಳು
– ಜನ್ಮಜಾತ ದೋಷಗಳು
– ಬೆಳವಣಿಗೆ ವಿಳಂಬ
– ಜೋಡಿಕವಲಕಗಳು ಅಥವಾ ಹೆಚ್ಚಿನ ಭ್ರೂಣಗಳು (Multiple Pregnancy)
– ಪ್ಲಸೆಂಟಾ ಅಥವಾ ಗರ್ಭನಾಳದ ತೊಂದರೆಗಳು
ಇತರೆ ಕಾರಣಗಳು
– ಧೂಮಪಾನ ಅಥವಾ ಮದ್ಯಪಾನ
– ಸೋಂಕುಗಳು
– ಪರಿಸರದ ನಕಾರಾತ್ಮಕ ಪರಿಣಾಮಗಳು
ಫೀಟಲ್ ಮೆಡಿಸಿನ್ ಹೇಗೆ ಕಾರ್ಯನಿರ್ವಹಿಸುತ್ತದೆ..?
ಈ ಪ್ರಕ್ರಿಯೆಯಲ್ಲಿ ವೈದ್ಯರು ಗರ್ಭಾವಸ್ಥೆಯ ಪ್ರಾರಂಭದಲ್ಲೇ ಅಪಾಯದ ಮಟ್ಟವನ್ನು ಮೌಲ್ಯಮಾಪನ ಮಾಡುತ್ತಾರೆ. ಇದಕ್ಕಾಗಿ ಕೆಲವೊಂದು ಪ್ರಮುಖ ಪರೀಕ್ಷೆಗಳು ನಡೆಯುತ್ತವೆ
1. ಡ್ಯುಯಲ್ ಮಾರ್ಕರ್ ಟೆಸ್ಟ್ (11-13 ವಾರ): ಕ್ರೋಮೊಸೋಮಲ್ ದೋಷಗಳ (ಡೌನ್ ಸಿಂಡ್ರೋಮ್ ಮುಂತಾದವು) ಪರೀಕ್ಷೆ.
2. ಕ್ವಾಡ್ರಪಲ್ ಮಾರ್ಕರ್ ಟೆಸ್ಟ್ (15-20 ವಾರ): ಭ್ರೂಣದ ಆರೋಗ್ಯದ ವಿಶ್ಲೇಷಣೆ.
3. ನಾನ್ ಇನ್ವೆಸಿವ್ ಪ್ರಿನೇಟಲ್ ಟೆಸ್ಟ್ (NIPT): ತಾಯಿಯ ರಕ್ತದ ಮಾದರಿಯಿಂದ ಭ್ರೂಣದ ಡಿಎನ್ಎ ಪರೀಕ್ಷೆ.
4. ಅಲ್ಟ್ರಾಸೌಂಡ್ ಸ್ಕ್ಯಾನ್ :
– ಲೆವಲ್ 1 ಸ್ಕ್ಯಾನ್ (11-13 ವಾರ)
– ಲೆವಲ್ 2 ಸ್ಕ್ಯಾನ್ (18-22 ವಾರ) — ಭ್ರೂಣದ ಅಂಗಾಂಗಗಳ ಬೆಳವಣಿಗೆಯ ಮೇಲೆ ನಿಖರ ನಿಗಾ.
ಫೀಟಲ್ ಮೆಡಿಸಿನ್ನ ಪ್ರಯೋಜನಗಳು
– ಗರ್ಭದಲ್ಲೇ ತೊಂದರೆ ಪತ್ತೆಹಚ್ಚುವಿಕೆ
– ಸಮಯಮಿತಿಯಲ್ಲಿ ಚಿಕಿತ್ಸೆ ಆರಂಭ
– ಜಟಿಲ ಅಥವಾ ಅಪಾಯಭರಿತ ಗರ್ಭಧಾರಣೆಯಲ್ಲಿ ತಾಯಿ ಹಾಗೂ ಶಿಶುವಿನ ಆರೋಗ್ಯ ಕಾಪಾಡುವಲ್ಲಿ ಸಹಾಯ
ಭ್ರೂಣ ವೈದ್ಯಶಾಸ್ತ್ರವು ಗರ್ಭಧಾರಣೆಯ ಸಮಯದಲ್ಲಿ ತಾಯಿ ಮತ್ತು ಮಗುವಿನ ಸುರಕ್ಷತೆಗೆ ಹೊಸ ದಿಕ್ಕು ನೀಡುತ್ತಿದೆ. ವಿಜ್ಞಾನ ಮತ್ತು ತಂತ್ರಜ್ಞಾನದ ಸಹಾಯದಿಂದ ತಜ್ಞ ವೈದ್ಯರು ಇಂದು ಹಲವಾರು ಜಟಿಲತೆಯನ್ನು ಮುನ್ನೆಚ್ಚರಿಕೆಯಿಂದ ತಡೆಯುವಲ್ಲಿ ಯಶಸ್ವಿಯಾಗುತ್ತಿದ್ದಾರೆ.
