ಉಪಹಾರದಿಂದ ಆರಂಭಿಸಿ ಮಧ್ಯಾಹ್ನದ ಊಟ, ಸಂಜೆ ಸ್ನ್ಯಾಕ್ಸ್ ಹಾಗೂ ರಾತ್ರಿಯ ಊಟಕ್ಕೆ ಬಳಸುವ ಪದಾರ್ಥಗಳಲ್ಲಿ ಹೆಚ್ಚು ಅಡುಗೆ ಎಣ್ಣೆಗಳ ಬಳಕೆ ಮಾಡಲಾಗುತ್ತದೆ. ನೀವು ಎಲ್ಲಿ ನೋಡಿದರೂ ಎಣ್ಣೆಯಲ್ಲಿ ಕರಿದ ಆಹಾರಗಳು ಕಂಡು ಬರುತ್ತದೆ. ದಿನಕ್ಕೆ ಎಷ್ಟು ಎಣ್ಣೆಯನ್ನು ಬಳಸಬೇಕು ಎಂಬುದರ ಕುರಿತು ಅನೇಕ ಜನರಿಗೆ ಅನುಮಾನಗಳಿವೆ? ಹೆಚ್ಚುವರಿ ಅಡುಗೆ ಎಣ್ಣೆ ಬಳಕೆ ಮಾಡುವುದು ಆರೋಗ್ಯಕ್ಕೆ ಹಾನಿಯಾಗುತ್ತದೆಯೇ? ಯಾವಾಗಲೂ ತಾಜಾ ಎಣ್ಣೆಯನ್ನು ಬಳಸಬೇಕೇ? ಒಮ್ಮೆ ಬಳಸಿದ ನಂತರ ಅದನ್ನು ಎಸೆಯಬೇಕೇ? ಹೀಗೆ ಹಲವು ಅನುಮಾನಗಳಿವೆ. ಈ ಕುರಿತು ವಿವರವಾಗಿ ತಿಳಿಯೋಣ.
ಎಷ್ಟು ಎಣ್ಣೆ ಬಳಸಬೇಕು: ಪ್ರಸ್ತುತ ಬದಲಾದ ಜೀವನಶೈಲಿಯಿಂದ ಮನೆಯಲ್ಲಿ ಎಣ್ಣೆಯ ಬಳಕೆ ಹೆಚ್ಚಾಗಿದೆ ಎಂದು ಅಂಕಿ- ಅಂಶಗಳು ತೋರಿಸುತ್ತವೆ. ದೇಶದಲ್ಲಿ ಪ್ರತಿಯೊಬ್ಬ ವ್ಯಕ್ತಿಯು ವರ್ಷಕ್ಕೆ ಸರಾಸರಿ 23.5 ಲೀಟರ್ ಅಡುಗೆ ಎಣ್ಣೆ ಬಳಸುತ್ತಾರೆ ಎಂದು ಹಲವಾರು ಅಧ್ಯಯನಗಳು ತೋರಿಸಿವೆ. ಐಸಿಎಂಆರ್ (Indian Council of Medical Research) ತಿಳಿಸುವ ಪ್ರಕಾರ, ಒಬ್ಬ ವ್ಯಕ್ತಿಯು ದಿನಕ್ಕೆ 20 ಮಿಲಿ (ನಾಲ್ಕು ಚಮಚ) ಮೀರಬಾರದು. ಅಂದರೆ, ನಾಲ್ಕು ಜನರ ಕುಟುಂಬವು ತಿಂಗಳಿಗೆ ಕನಿಷ್ಠ 2.5 ಲೀಟರ್ ಮತ್ತು ಯಾವುದೇ ಸಂದರ್ಭಗಳಲ್ಲಿ ಗರಿಷ್ಠ 4 ಲೀಟರ್ ಮೀರಬಾರದು. ಆಹಾರ ಪದಾರ್ಥಗಳಲ್ಲಿ ಹೆಚ್ಚು ಎಣ್ಣೆ ಇದ್ದರೆ, ಬೊಜ್ಜು ಮತ್ತು ಹೃದಯ ಸಂಬಂಧಿತ ಸಮಸ್ಯೆಗಳು ಉದ್ಭವಿಸುತ್ತವೆ. ಎಣ್ಣೆಗಳಿಗೆ ಹೆಚ್ಚಿನ ಹಣವನ್ನು ಖರ್ಚು ಮಾಡುವ ಜನರು ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಒಳಗಾಗುತ್ತಾರೆ ಎಂದು ತಜ್ಞರು ತಿಳಿಸುತ್ತಾರೆ.
ನೀವು ಒಂದೇ ಎಣ್ಣೆಯನ್ನು ಮತ್ತೆ ಮತ್ತೆ ಬಳಿಸಿದರೆ ಏನಾಗುತ್ತದೆ?: ನೀವು ಒಮ್ಮೆ ಬಳಸಿದ ಅಡುಗೆ ಎಣ್ಣೆಯನ್ನು ಮರುಬಳಕೆ ಮಾಡಬಾರದು. ಅದು ಕುದಿಯುತ್ತಿದ್ದರೂ ಅಥವಾ ಬಣ್ಣ ಬದಲಾದರೂ, ನೀವು ಎಣ್ಣೆಯನ್ನು ಬಳಸಲೇಬಾರದು. ರಸ್ತೆ ಬದಿಯ ಅಂಗಡಿಗಳಲ್ಲಿ ಮತ್ತು ಹೋಟೆಲ್ಗಳಲ್ಲಿ ಬಳಸುವ ಎಣ್ಣೆಯನ್ನು ಮರುಬಳಕೆ ಮಾಡುವುದರಿಂದ ಅದು ಕಪ್ಪು ಮತ್ತು ಜಿಗುಟಾಗಿರಬಹುದು. ಚೆನ್ನಾಗಿ ಬಿಸಿ ಮಾಡಿದ ನಂತರ ನೀವು ಅದನ್ನು ಮತ್ತೆ ಬಳಸಬಹುದು. ನೀವು ಆ ಎಣ್ಣೆಯನ್ನು ಸಾಮಾನ್ಯವಾಗಿ ಕರಿಗಳಲ್ಲಿ ಬಳಸಿದರೆ ದೊಡ್ಡ ಸಮಸ್ಯೆ ಇಲ್ಲ. ಆದರೆ, ಎರಡು ಅಥವಾ ಮೂರು ಬಾರಿ ಹುರಿದ ಎಣ್ಣೆ ದಪ್ಪವಾಗುತ್ತದೆ. ನಂತರ ಎಣ್ಣೆ ನಿಷ್ಪ್ರಯೋಜಕವಾಗುತ್ತದೆ. ಈ ರೀತಿ ಬಳಸಿದ ಎಣ್ಣೆಯನ್ನು ಬಳಸುವುದರಿಂದ ಕ್ಯಾನ್ಸರ್ ಬರಬಹುದು ಎಂದು ತಜ್ಞರು ಸೂಚಿಸುತ್ತಾರೆ.
ರುಚಿಯಲ್ಲಿ ಬದಲಾವಣೆ: ಪದೇ ಪದೆ ಬಿಸಿ ಮಾಡುವಂತಹ ಒಂದೇ ಬಗೆ ಎಣ್ಣೆಯಲ್ಲಿ ವಿಟಮಿನ್ ಇ, ಬಹು ಅಪರ್ಯಾಪ್ತ, ಕೊಬ್ಬಿನಾಮ್ಲಗಳು, ಉತ್ಕರ್ಷಣ ನಿರೋಧಕಗಳು ಮತ್ತು ಇತರ ಪೌಷ್ಟಿಕಾಂಶದ ಮೌಲ್ಯಗಳು ನಾಶವಾಗುತ್ತವೆ. ಇದರ ಜೊತೆಗೆ, ಎಣ್ಣೆಯ ರುಚಿ ಬದಲಾಗುತ್ತದೆ ಮತ್ತು ಆಹಾರದ ರುಚಿ ಕಹಿಯಾಗುತ್ತದೆ ಎಂದು ತಜ್ಞರು ಹೇಳುತ್ತಾರೆ.
ಯಾವ ಅಡುಗೆ ಎಣ್ಣೆ ಉತ್ತಮ?: ಶೇಂಗಾ ಎಣ್ಣೆ, ತೆಂಗಿನ ಎಣ್ಣೆ ಹಾಗೂ ಸಾಸಿವೆ ಎಣ್ಣೆ ಆರೋಗ್ಯಕ್ಕೆ ಒಳ್ಳೆಯದು. ಅವುಗಳನ್ನು ಪ್ರತಿ ತಿಂಗಳು ಪರ್ಯಾಯವಾಗಿ ಬಳಸಬಹುದು ಅಥವಾ ಒಟ್ಟಿಗೆ ಬೆರೆಸಬಹುದು. ಸಂಸ್ಕರಿಸಿದ ಎಣ್ಣೆಗಿಂತ ಕೋಲ್ಡ್-ಪ್ರೆಸ್ಡ್ ಎಣ್ಣೆಯನ್ನು ಬಳಸುವುದು ಉತ್ತಮ. ಬಳಸಿದ ಎಣ್ಣೆಯ ಪ್ರಮಾಣಕ್ಕಿಂತ ಎಣ್ಣೆಯ ಗುಣಮಟ್ಟ ಹೆಚ್ಚು ಮುಖ್ಯವಾಗಿದೆ. ಎಣ್ಣೆಯ ಬದಲಿಗೆ ದಿನಕ್ಕೆ 20 ಮಿಲಿ ತುಪ್ಪವನ್ನು ಬಳಸಬಹುದು ಎಂದು ತಜ್ಞರು ಸೂಚಿಸುತ್ತಾರೆ.
ಅಡುಗೆ ಎಣ್ಣೆ ಬಳಕೆ ಕಡಿಮೆ ಮಾಡಿದರೆ ಏನಾಗುತ್ತೆ?: ನಾಲ್ಕು ಸದಸ್ಯರ ಕುಟುಂಬವು ತಿಂಗಳಿಗೆ ನಾಲ್ಕು ಲೀಟರ್ ಅಡುಗೆ ಎಣ್ಣೆಯ ಬದಲಿಗೆ ಎರಡು ಲೀಟರ್ ದುಬಾರಿ ಕೋಲ್ಡ್ – ಪ್ರೆಸ್ಡ್ ಎಣ್ಣೆಯನ್ನು ಬಳಸುವುದು ಉತ್ತಮ. ಎಣ್ಣೆಯ ಬಳಕೆಯನ್ನು ಅರ್ಧದಷ್ಟು ಕಡಿಮೆ ಮಾಡುವುದರಿಂದ ಮನೆಯ ಖರ್ಚು ಕಡಿಮೆಯಾಗುವುದಲ್ಲದೆ ಆರೋಗ್ಯಕ್ಕೂ ಪ್ರಯೋಜನವಾಗುತ್ತದೆ. ತರಕಾರಿಗಳನ್ನು ಹುರಿಯುವ ಬದಲು ಗಾಳಿಯಲ್ಲಿ ಹುರಿದ ಫ್ರೈ ವಿಧಾನ ಅನುಸರಿಸುವುದು ಉತ್ತಮ ಎಂದು ಆರೋಗ್ಯ ತಜ್ಞರು ತಿಳಿಸಿದ್ದಾರೆ
