ಬೆಂಗಳೂರಿನ : ಬೆಂಗಳೂರಿನ ನಿರ್ದಿಷ್ಟವಾದ ಒಂದು ಪ್ರದೇಶವು ಅಪಘಾತಗಳ ಹಾಟ್ಸ್ಪಾಟ್. ಇಕೋ ಆ್ಯಕ್ಸಿಡೆಂಟ್ ಇಂಡೆಕ್ಸ್ 2024ರಲ್ಲಿ ಭಾರತಾದ್ಯಂತ ಸಂಭವಿಸಿದ ಅಪಘಾತಗಳ ಕುರಿತು ವರದಿಯನ್ನು ಬಿಡುಗಡೆ ಮಾಡಿದೆ. ಅದರಲ್ಲಿ ಬೆಂಗಳೂರಿನ ಈ ಪ್ರದೇಶವು ದೇಶದಲ್ಲೇ ನಂಬರ್ 1 ಅಪಘಾತದ ಹಾಟ್ಸ್ಪಾಟ್ ಎಂದು ಕರೆಯಲಾಗಿದೆ. ಬೆಂಗಳೂರಿನ ಬೊಮ್ಮನಹಳ್ಳಿಯು ದೇಶದ ಅಗ್ರ ಅಪಘಾತ ಹಾಟ್ಸ್ಪಾಟ್ ಎಂದು ಹೇಳಲಾಗಿದೆ.
ಇಕೋ ಆ್ಯಕ್ಸಿಡೆಂಟ್ ಇಂಡೆಕ್ಸ್ 2024ರಲ್ಲಿ ಭಾರತಾದ್ಯಂತ ಸಂಭವಿಸಿದ ಅಪಘಾತಗಳ ಕುರಿತು ವರದಿಯನ್ನು ಬಿಡುಗಡೆ ಮಾಡಿದೆ. ಅದರಲ್ಲಿ ಬೆಂಗಳೂರಿನ ಈ ಪ್ರದೇಶವು ದೇಶದಲ್ಲೇ ನಂಬರ್ 1 ಅಪಘಾತದ ಹಾಟ್ಸ್ಪಾಟ್ ಎಂದು ಕರೆಯಲಾಗಿದೆ. ಬೆಂಗಳೂರಿನ ಬೊಮ್ಮನಹಳ್ಳಿಯು ದೇಶದ ಅಗ್ರ ಅಪಘಾತ ಹಾಟ್ಸ್ಪಾಟ್ ಎಂದು ಹೇಳಲಾಗಿದೆ. ಬೆಂಗಳೂರಿನಲ್ಲಿ ರಸ್ತೆಗುಂಡಿಗಳಿOದಾಗಿ ಸಾಕಷ್ಟು ಅಪಘಾತಗಳು ಸಂಭವಿಸುತ್ತಿವೆ. ಇದು ಒಟ್ಟು ಪ್ರಕರಣಗಳಲ್ಲಿ ಶೇಕಡಾ 44.8 ರಷ್ಟು ಆಘಾತಕಾರಿಯಾಗಿದೆ. ದೆಹಲಿಯು ಅಂತಹ ಅಪಘಾತಗಳು ಶೇ. 13.3 ರಷ್ಟಿವೆ.
ಮುಂಬೈ ಶೇ.12.3 ರಷ್ಟಿದೆ. 2024 ರಲ್ಲಿ ಒಟ್ಟಾರೆಯಾಗಿ ಅತಿ ಹೆಚ್ಚು ಅಪಘಾತಗಳಿಗೆ ಸಾಕ್ಷಿಯಾದ ಹೈದರಾಬಾದ್, ಶೇ. 16.4 ರಷ್ಟು ವರದಿ ಮಾಡಿದೆ, ದೆಹಲಿ ಮತ್ತು ರಾಷ್ಟ್ರೀಯ ರಾಜಧಾನಿ ಪ್ರದೇಶ ಎನ್‌ಸಿಆರ್ 15.9 ಶೇಕಡಾವನ್ನು ಹೊಂದಿದೆ. ಬೊಮ್ಮನಹಳ್ಳಿಯ ಜೊತೆಗೆ, ದೆಹಲಿ ಎನ್‌ಸಿಆರ್‌ನ ನೋಯ್ಡಾ, ಪುಣೆಯ ಮಾರುಂಜಿ ಮತ್ತು ಮುಂಬೈನ ಮೀರಾ ರೋಡ್ ಸೇರಿದಂತೆ ಇತರ ಅಪಘಾತ ಪೀಡಿತ ಪ್ರದೇಶಗಳಲ್ಲಿ ಸೇರಿವೆ.
ಕುಡಿದು ವಾಹನ ಚಲಾಯಿಸುವುದು, ಮರಗಳಿಂದ ತೆಂಗಿನ ಕಾಯಿ ಬೀಳುವುದು, ಸಂಚಾರ ನಿಯಮ ಉಲ್ಲಂಘನೆ ಸೇರಿದಂತೆ ಹಲವು ವಿಷಯಗಳಿವೆ. ರಸ್ತೆಗಳಲ್ಲಿ ದನ ಕರುಗಳು ಅಡ್ಡ ಬಂದು ಹೆಚ್ಚಿನ ಅಪಘಾತಗಳು ಸಂಭವಿಸಿವೆ. ಐಟಿ ರಾಜಧಾನಿ ಎಂದು ಜನಪ್ರಿಯವಾಗಿರುವ ಬೆಂಗಳೂರಿನಲ್ಲಿ ಕಳೆದ ನಾಲ್ಕು ವರ್ಷಗಳಲ್ಲಿ ರಸ್ತೆ ಅಪಘಾತಗಳು ಮತ್ತು ಅದರಿಂದ ಸಾವಿನ ಸಂಖ್ಯೆ ಹೆಚ್ಚಾಗಿದೆ.
ರಸ್ತೆ ಅಪಘಾತಗಳಿಗೆ ಒಂದು ಪ್ರಮುಖ ಕಾರಣವೆಂದರೆ ಅತಿವೇಗ ಮತ್ತು ಅಜಾಗರೂಕತೆಯ ಚಾಲನೆ ಕಾರಣ. 2020 ರಲ್ಲಿ 1,928 ರಸ್ತೆ ಅಪಘಾತ ಪ್ರಕರಣಗಳು ಮತ್ತು 2024 ರಲ್ಲಿ ಅಕ್ಟೋಬರ್ 31 ರವರೆಗೆ 3,969 ಪ್ರಕರಣಗಳು ವರದಿಯಾಗಿವೆ. ರಸ್ತೆ ಅಪಘಾತ ಪ್ರಕರಣಗಳ ಸಂಖ್ಯೆ ದ್ವಿಗುಣಗೊಂಡಿದೆ. 2020ರಲ್ಲಿ, 344 ಸಾವುಗಳು ವರದಿಯಾಗಿದ್ದು, 2024 ರಲ್ಲಿ 723 ಕ್ಕೆ ಏರಿದೆ.
ಅತಿ ಹೆಚ್ಚು ರಸ್ತೆ ಅಪಘಾತಗಳು, ಗಾಯಗಳು ಮತ್ತು ಸಾವುನೋವುಗಳಲ್ಲಿ ಬೆಂಗಳೂರು ಕರ್ನಾಟಕದಲ್ಲಿ ಅಗ್ರಸ್ಥಾನದಲ್ಲಿದೆ, ತುಮಕೂರು ನಂತರದ ಸ್ಥಾನದಲ್ಲಿದೆ ಎಂದು ಇತ್ತೀಚೆಗೆ ಹೆಚ್ಚುವರಿ ಪೊಲೀಸ್ ಮಹಾನಿರ್ದೇಶಕ ನೇಮಕಾತಿ ಮತ್ತು ಸಂಚಾರ ಮತ್ತು ರಸ್ತೆ ಸುರಕ್ಷತೆಯ ಆಯುಕ್ತ ಕೆ.ವಿ.ಶರತ್ ಚಂದ್ರ ಹೇಳಿದ್ದರು.
