ಸೊಂಟದ ಬೊಜ್ಜನ್ನು ಕರಿಸಿಕೊಳ್ಳುವುದು ಸುಲಭದ ಕೆಲಸವಲ್ಲ. ಅನೇಕ ಮಂದಿಗೆ ಈ ಸಮಸ್ಯೆಯಿಂದ ಫೋಟೋಗಳು ಮತ್ತು ಬಿಗಿಯಾದ ಟಾಪ್ ಧರಿಸಲು ಮುಜುಗರವಾಗುತ್ತದೆ. ಆದರೆ ಆಹಾರ ಕ್ರಮದಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಿಕೊಳ್ಳುವ ಮೂಲಕ ಮತ್ತು ವ್ಯಾಯಾಮ ಮಾಡುವ ಮೂಲಕ ಈ ಸಮಸ್ಯೆಗೆ ಪರಿಹಾರ ಪಡೆಯಬಹುದಾಗಿದೆ.
ಈ ವ್ಯಾಯಾಮಗಳು ನಿಮ್ಮ ಮೇಲಿನ ಮತ್ತು ಕೆಳಗಿನ ಬೆನ್ನಿನಲ್ಲಿರುವ ಅನಗತ್ಯ ಸ್ನಾಯುಗಳನ್ನು ಬಲಗೊಳಿಸುವುದರೊಂದಿಗೆ ನಿಮ್ಮ ಹೊಟ್ಟೆಯನ್ನು ಚಪ್ಪಟೆಯಾಗಿಸಲು ಸಹಾಯ ಮಾಡುತ್ತದೆ. ವರದಿಯೊಂದರ ಪ್ರಕಾರ, ಈ 4 ವ್ಯಾಯಾಮ ಮಾಡಲು ತುಂಬಾ ಸುಲಭ ಮತ್ತು ಇದಕ್ಕಾಗಿ ಹೆಚ್ಚು ಸಲಕರಣೆಗಳ ಅಗತ್ಯ ಕೂಡ ಇಲ್ಲ. ಹಾಗಾದ್ರೆ ಅವು ಯಾವುವು ಎಂಬುವುದರ ಬಗ್ಗೆ ತಿಳಿಯೋಣ ಬನ್ನಿ.
ಸೈಡ್ ಲೆಗ್ ಲಿಫ್ಟ್:
ಮೊದಲು ನಿಮ್ಮ ಬೆನ್ನನ್ನು ನೇರವಾಗಿ ಚಾಪೆಯ ಮೇಲೆ ಮಲಗಿಸಿ. ನಿಮ್ಮ ಬಲಗೈಯನ್ನು ನಿಮ್ಮ ತಲೆಯ ಕೆಳಗೆ ಮತ್ತು ನಿಮ್ಮ ಎಡಗೈಯನ್ನು ನಿಮ್ಮ ಮುಂದೆ ನೆಲದ ಮೇಲೆ ಇರಿಸಿ. ನಂತರ ನಿಮ್ಮ ಎಡಗಾಲನ್ನು ತೆಗೆದುಕೊಂಡು ಅದನ್ನು ನಿಮ್ಮ ಬಲಗಾಲಿನ ಮೇಲೆ ಇರಿಸಿ. ನಿಧಾನವಾಗಿ ಉಸಿರಾಡುವಾಗ, ನಿಮ್ಮ ಎರಡೂ ಕಾಲುಗಳನ್ನು ನೆಲದಿಂದ ಮೂರರಿಂದ ನಾಲ್ಕು ಇಂಚುಗಳಷ್ಟು ಮೇಲಕ್ಕೆತ್ತಿ. ನೀವು ಉಸಿರಾಡುವಾಗ ನಿಧಾನವಾಗಿ ನಿಮ್ಮ ಎರಡೂ ಕಾಲುಗಳನ್ನು ನೆಲಕ್ಕೆ ಇಳಿಸಿ. ಈ ವ್ಯಾಯಾಮವನ್ನು ಒಮ್ಮೆಗೆ 6 ರಿಂದ 8 ಬಾರಿ ಮಾಡಿ. ನಂತರ ಇನ್ನೋಂದು ಬದಿಯು ಇದನ್ನೇ ಅನುಸರಿಸಿ.
ಬೆನ್ನಿನ ವಿಸ್ತರಣೆ:
ಮೊದಲು ನಿಮ್ಮ ಹೊಟ್ಟೆ ಮತ್ತು ಮುಖವನ್ನು ನೆಲಕ್ಕೆ ಎದುರಾಗಿ ಚಾಪೆಯ ಮೇಲೆ ಮಲಗಿಸಿ. ನಿಮ್ಮ ಎರಡೂ ತೋಳುಗಳನ್ನು ನಿಮ್ಮ ಬದಿಗಳಲ್ಲಿ ಇರಿಸಿ. ನಿಮ್ಮ ಕುತ್ತಿಗೆ ತಟಸ್ಥವಾಗಿರಬೇಕು. ನಿಮ್ಮ ಹೊಟ್ಟೆ ಮತ್ತು ಬೆನ್ನನ್ನು ಸಾಧ್ಯವಾದಷ್ಟು ಹಿಗ್ಗಿಸಿ.
ನಿಮ್ಮ ತೋಳುಗಳನ್ನು ಬಳಸದೇ, ನಿಮ್ಮ ಹೊಟ್ಟೆ ಮತ್ತು ಬೆನ್ನಿನ ಸ್ನಾಯುಗಳನ್ನು ಬಳಸಿ ಕ್ರಮೇಣ ನೆಲದಿಂದ ಕೆಲವು ಇಂಚುಗಳಷ್ಟು ಮೇಲಕ್ಕೆತ್ತಿ. ನಂತರ ಆರಂಭಿಕ ಸ್ಥಾನಕ್ಕೆ ಹಿಂತಿರುಗಿ. ಇದನ್ನು 6 ರಿಂದ 8 ಬಾರಿ ಪುನರಾವರ್ತಿಸಿ. ಈ ವ್ಯಾಯಾಮವು ನಿಮ್ಮ ಕೆಳ, ಮಧ್ಯ ಮತ್ತು ಮೇಲಿನ ಬೆನ್ನನ್ನು ಬಲಪಡಿಸುತ್ತದೆ. ಇದು ಭವಿಷ್ಯದಲ್ಲಿ ಬೆನ್ನು ನೋವನ್ನು ತಪ್ಪಿಸಲು ಸಹಾಯ ಮಾಡುತ್ತದೆ.
ಬೆಕ್ಕು-ಹಸುವಿನ ಹಿಗ್ಗುವಿಕೆ (Cat Cow Stretch):
ಈ ವ್ಯಾಯಾಮವನ್ನು ಪ್ರಾರಂಭಿಸುವ ಮುನ್ನ ನೀವು ಹಸು ಅಥವಾ ಬೆಕ್ಕಿನಂತೆ ನಾಲ್ಕು ಕಾಲುಗಳ ಮೇಲೆ ನಿಂತು, ನಿಮ್ಮ ಕೈಗಳನ್ನು ನೇರವಾಗಿ ನಿಮ್ಮ ಭುಜಗಳ ಕೆಳಗೆ ನೆಲದ ಮೇಲೆ ಮತ್ತು ನಿಮ್ಮ ಮೊಣಕಾಲುಗಳನ್ನು ನಿಮ್ಮ ಸೊಂಟದ ಕೆಳಗೆ ನೆಲದ ಮೇಲೆ ಇಡಬೇಕು. ಈಗ ನಿಧಾನವಾಗಿ ಉಸಿರಾಡಿ ಮತ್ತು ನಿಮ್ಮ ಸೊಂಟವನ್ನು ಕೆಳಕ್ಕೆ ಇಳಿಸಿ. ನಿಮ್ಮ ಗಲ್ಲ ಮತ್ತು ಕೆಳಗಿನ ಬೆನ್ನು ಮೂಳೆಯನ್ನು ಸಾಧ್ಯವಾದಷ್ಟು ಮೇಲಕ್ಕೆತ್ತಲು ಪ್ರಯತ್ನಿಸಿ, ಇದನ್ನು ಕ್ಯಾಟ್ ಪೋಸ್ ಅಂತ ಕರೆಯಲಾಗುತ್ತದೆ.
ನೀವು ಉಸಿರಾಡುವಾಗ ನಿಮ್ಮ ಸೊಂಟವನ್ನು ಅವುಗಳ ಮೂಲ ಸ್ಥಾನಕ್ಕೆ ತರಲು ಪ್ರಯತ್ನಿಸಿ. ನಂತರ ನಿಧಾನವಾಗಿ ನಿಮ್ಮ ಬೆನ್ನನ್ನು ಮೇಲಕ್ಕೆತ್ತಿ ನಿಮ್ಮ ಗಲ್ಲವನ್ನು ನಿಮ್ಮ ಎದೆಯ ಕಡೆಗೆ ತಿರುಗಿಸಿ. ಇದನ್ನು ಸುಮಾರು 4 ರಿಂದ 5 ಬಾರಿ ಪ್ರಯತ್ನಿಸಿ. ಈ ವ್ಯಾಯಾಮವು ನಿಮ್ಮ ಬೊಜ್ಜನ್ನು ಬಹಳ ಪರಿಣಾಮಕಾರಿಯಾಗಿ ಕಡಿಮೆಗೊಳಿಸುವುದಷ್ಟೇ ಅಲ್ಲದೇ, ನಿಮ್ಮ ದೇಹಕ್ಕೆ ಉತ್ತಮ ಆಕಾರವನ್ನು ನೀಡುತ್ತದೆ.
ಈಜು ವ್ಯಾಯಾಮ
ನಿಮ್ಮ ಮುಖವನ್ನು ನೆಲಕ್ಕೆ ಎದುರಾಗಿ ಚಾಚಿ, ನಿಮ್ಮ ತೋಳುಗಳನ್ನು ಮುಂದಕ್ಕೆ ಚಾಚಿ, ನಿಮ್ಮ ಕಾಲುಗಳನ್ನು ನಿಮ್ಮ ಹಿಂದೆ ನೇರವಾಗಿ ಇರಿಸಿ. ನಿಮ್ಮ ತಲೆಯನ್ನು ಚಲಿಸದೇ, ನಿಮ್ಮ ಬಲಗೈ ಮತ್ತು ಎಡಗಾಲನ್ನು ನೆಲದಿಂದ ಮೇಲಕ್ಕೆತ್ತಿ. ನಂತರ ನಿಧಾನವಾಗಿ ಅವುಗಳನ್ನು ಹಿಂದಕ್ಕೆ ಇಳಿಸಿ, ಕಾಲುಗಳು ಮತ್ತು ಪಾದಗಳನ್ನು ಬದಲಾಯಿಸಿ ಮತ್ತು ಪುನರಾವರ್ತಿಸಿ. ಇದನ್ನು 8 ರಿಂದ 10 ಬಾರಿ ಮಾಡಿ
Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ
