ಬೆಂಗಳೂರು ಹೊರತುಪಡಿಸಿ ರಾಜ್ಯಾದ್ಯಂತ ಜಾತಿಗಣತಿ ಶುರು

ಬೆಂಗಳೂರು : ರಾಜ್ಯಾದ್ಯಂತ ಜಾತಿಗಣತಿ ಆರಂಭ, ಆದರೆ ಎಲ್ಲೆಡೆ ತಾಂತ್ರಿಕ ತೊಂದರೆಗಳ ಮಳೆಯೇ ಸುರಿದಂತಾಗಿದೆ.ಬೆಂಗಳೂರು ಹೊರತುಪಡಿಸಿ ರಾಜ್ಯದ ಹಲವು ಜಿಲ್ಲೆಗಳಲ್ಲಿನ ಪ್ರಾಥಮಿಕ ಶಾಲಾ ಶಿಕ್ಷಕರು, ಗಣತಿಕಾರರು ತಾಂತ್ರಿಕ ಸಮಸ್ಯೆ, ಕಿಟ್ ಕೊರತೆ, ಅಪೂರ್ಣ ತರಬೇತಿಗಳೊಂದಿಗೆ ಗಣತಿಯಲ್ಲಿ ತೊಡಗಿದ್ದಾರೆ.

ಕೆಲ ಕಡೆ ನಿರ್ವಿಘ್ನ ಆರಂಭ, ಆದರೆ ಬಹುತೇಕ ಕಡೆ ಸಿದ್ಧತೆಯ ಕೊರತೆ

ಜಾತಿಗಣತಿ ಕಾರ್ಯ ಶಿವಮೊಗ್ಗ, ಬಳ್ಳಾರಿ, ಹಾವೇರಿ, ಚಿತ್ರದುರ್ಗ, ಗದಗ, ಕೋಲಾರ, ಹುಬ್ಬಳ್ಳಿ ಸೇರಿದಂತೆ ಹಲವು ಜಿಲ್ಲೆಗಳಲ್ಲಿ ಆರಂಭಗೊಂಡಿದೆ. ಆದರೆ…

🔹 ಕಿಟ್ ಲೇಟಾಗಿ ತಲುಪಿದೆ
🔹 ಅಪೂರ್ಣ ತರಬೇತಿಯಿಂದ ಶಿಕ್ಷಕರು ಗೊಂದಲದಲ್ಲಿ
🔹 ಸರ್ಕಾರದ ಮೊಬೈಲ್ ಆ್ಯಪ್ ಓಪನ್ ಆಗದೆ ತಾಂತ್ರಿಕ ತೊಂದರೆ
🔹 ಯುಎಚ್‌ಸಿಐಡಿ (UHID) ಎನ್ಟ್ರಿ ಮಾಡುವಾಗ Error ಸಂದೇಶ
🔹 ಹೆಚ್ಚು ಬಿಸಿಲಿಗೆ ಕ್ಯಾಪ್ ನೀಡಿದ ಕ್ರಮವೊಂದೇ ಸಮಾಧಾನ

“ಮೋದಿ ಆ್ಯಪ್ ಕೂಡಾ ಓಪನ್ ಆಗಲ್ಲ ಟೆಕ್ನಿಕಲ್ ಸಮಸ್ಯೆ ಬಂದ್ರೆ” – ಸಚಿವ ಮಧು ಬಂಗಾರಪ್ಪ

ಶಿವಮೊಗ್ಗ ಬಿಇಒ ಕಚೇರಿಗೆ ಭೇಟಿ ನೀಡಿದ ರಾಜ್ಯದ ಶಿಕ್ಷಣ ಸಚಿವ ಮಧು ಬಂಗಾರಪ್ಪ ಅವರು, ಜಾತಿಗಣತಿ ಕುರಿತು ಬರುವ ಗೊಂದಲ ನಿವಾರಣೆ ಮಾಡಿದರು. ಅವರು ತಿಳಿಸಿದ್ದಾರೆ:

“ಟೆಕ್ನಿಕಲ್ ಸಮಸ್ಯೆ ಎಲ್ಲೂ ಸಾಧ್ಯವಿದೆ. ಮೋದಿ ಆ್ಯಪ್ ಕೂಡಾ ಕೆಲವೊಮ್ಮೆ ಓಪನ್ ಆಗಲ್ಲ. ಆದ್ದರಿಂದ ಗಾಬರಿಯಾಗಬೇಡಿ. ಸಮಸ್ಯೆ ಬಗೆಹರಿಸಿ ಗಣತಿ ಕೈಗೆತ್ತಿಕೊಳ್ಳಿ.”

ಶಿಕ್ಷಕರ ಅಳಲು: ತರಬೇತಿ ಇಲ್ಲ, ಮಾಹಿತಿ ಇಲ್ಲ, ಆ್ಯಪ್ ಓಪನ್ ಆಗಲ್ಲ!

“ಯಾವ ಮನೆಗೆ ಹೋಗಬೇಕು ಎಂಬ ಮಾಹಿತಿ ಇಲ್ಲ.”
“ಮೆಸೇಜ್ ಅಥವಾ ಲೆಟರ್ ಮೂಲಕ ಪ್ರಾಬ್ಲಮ್ ಬರುತ್ತಿಲ್ಲ.”
“ಆ್ಯಪ್ ಓಪನ್ ಆಗ್ತಿಲ್ಲ, ಟೆಸ್ಟ್ ಆಗುತ್ತಿಲ್ಲ”
“ಎರಿಯಾ ಹಂಚಿಕೆ ಆಗಿಲ್ಲ, confusion ಜಾಸ್ತಿ”
ಎಂದು ಹಲವರು ಗಂಭೀರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ಬಂಗಾರಪೇಟೆಯಿಂದ ಗಣತಿ ಶುಭಾರಂಭ

ಕೋಲಾರದ ಬಂಗಾರಪೇಟೆ ಶಾಸಕ ಎಸ್.ಎನ್. ನಾರಾಯಣಸ್ವಾಮಿ ತಮ್ಮ ನಿವಾಸದಿಂದಲೇ ಜಾತಿಗಣತಿಗೆ ಚಾಲನೆ ನೀಡಿದ್ದು, ಸಮಾರಂಭದ ಮೂಲಕ ಪ್ರಾರಂಭಿಸಲಾಗಿದೆ.

ಒತ್ತಾಯ: ಗಣತಿಗೆ ಹೆಚ್ಚು ಸಮಯ ನೀಡಿ – ಖರ್ಗೆಗೆ ಒಕ್ಕಲಿಗ, ಲಿಂಗಾಯತ ಮುಖಂಡರ ಮನವಿ

ಹದಿನೈದು ದಿನಗಳಲ್ಲಿ ಸಮೀಕ್ಷೆ ನಡೆಸುವುದು ಅಸಾಧ್ಯ ಎಂದು ಹೇಳಿದ ಒಕ್ಕಲಿಗ ಮತ್ತು ಲಿಂಗಾಯತ ಮುಖಂಡರು, ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಅವರನ್ನು ಭೇಟಿ ಮಾಡಿ:

ಕನಿಷ್ಠ 3 ತಿಂಗಳ ಕಾಲ survey ಮುಂದೂಡಬೇಕು
ಸಮಗ್ರ ತರಬೇತಿ ನಂತರ ಮಾತ್ರ ನಡೆಸಬೇಕು
ಎಂಬ ರೀತಿಯಲ್ಲಿ ಒತ್ತಾಯ ಸಲ್ಲಿಸಿದ್ದಾರೆ.