ಬೆಂಗಳೂರು:ಕನ್ನಡದ ಹಿರಿಯ ಸಾಹಿತಿ, ಪದ್ಮಭೂಷಣ ಪುರಸ್ಕೃತ ಎಸ್.ಎಲ್. ಭೈರಪ್ಪ (94) ಅವರು ಇಂದು ಬೆಳಿಗ್ಗೆ ಆರ್ಆರ್ ನಗರದ ರಾಷ್ಟ್ರೋತ್ಥಾನ ಆಸ್ಪತ್ರೆಯಲ್ಲಿ ಇಹಲೋಕ ತ್ಯಜಿಸಿದರು. ಅವರು ಕಳೆದ ಕೆಲ ತಿಂಗಳಿನಿಂದ ವಯೋಸಹಜ ಅನಾರೋಗ್ಯದಿಂದ ಬಳಲುತ್ತಿದ್ದರು.
ಭೈರಪ್ಪರ ನಿಧನದ ಸುದ್ದಿ ತಿಳಿದ ಪ್ರಧಾನಿ ನರೇಂದ್ರ ಮೋದಿ, ತಮ್ಮ ಎಕ್ಸ್ (ಪೂರ್ವದ ಟ್ವಿಟ್ಟರ್) ಖಾತೆಯಲ್ಲಿ ಭಾವುಕವಾಗಿ ಸಂತಾಪ ಸೂಚಿಸಿದ್ದು, “ಭಾರತದ ಆತ್ಮವನ್ನು ಆಳವಾಗಿ ಅಧ್ಯಯನ ಮಾಡಿದ ಧೀಮಂತ ವ್ಯಕ್ತಿಯನ್ನು ನಾವು ಕಳೆದುಕೊಂಡೆವು” ಎಂದು ಹೇಳಿದ್ದಾರೆ.
ಮೋದಿ ಅವರು ಭೈರಪ್ಪರ ಕುರಿತು ಏನು ಹೇಳಿದರು?
“ಎಸ್.ಎಲ್. ಭೈರಪ್ಪ ಅವರ ನಿಧನದಿಂದ ನನಗೆ ಅತ್ಯಂತ ಬೇಸರವಾಗಿದೆ. ಆತ್ಮಸಾಕ್ಷಿಯನ್ನು ಕಲಕಿಸುವ, ಕನ್ನಡ ಭಾಷೆ ಮತ್ತು ಭಾರತವನ್ನೇ ಅರಿತು ಕೊಡುವಂತಹ ಲೇಖಕರು. ಅವರು ನಿರ್ಭೀತ ಚಿಂತಕರು, ಕಾಲಾತೀತ ದಾರ್ಶನಿಕರು. ಅವರ ಕೃತಿಗಳು ಪೀಳಿಗೆಗಳನ್ನು ಸಮಾಜವನ್ನು ಪ್ರಶ್ನಿಸಲು, ಪ್ರತಿಬಿಂಬಿಸಲು ಪ್ರೇರೇಪಿಸಿವೆ.
ಅವರ ಬರಹಗಳಲ್ಲಿ ಇತಿಹಾಸ, ಸಂಸ್ಕೃತಿ, ತತ್ತ್ವಚಿಂತನೆಗಳಿಗೆ ಅಪ್ರತಿಮವಾಗಿ ಹೊತ್ತೊಯ್ಯುವ ಶಕ್ತಿ ಇತ್ತು. ನಮ್ಮ ಇತಿಹಾಸ ಮತ್ತು ಸಂಸ್ಕೃತಿಯ ಬಗ್ಗೆ ಅವರ ಉತ್ಸಾಹ, ಮುಂಬರುವ ವರ್ಷಗಳಲ್ಲಿಯೂ ಜನರ ಮನಸ್ಸಿನಲ್ಲಿ ಜೀವಂತವಾಗಿರುತ್ತದೆ.
ಈ ದುಃಖದ ಸಮಯದಲ್ಲಿ ನಾನು ಅವರ ಕುಟುಂಬ ಹಾಗೂ ಅಭಿಮಾನಿಗಳ ಜೊತೆ ಇದ್ದೇನೆ. ಓಂ ಶಾಂತಿ.” – ನರೇಂದ್ರ ಮೋದಿ.
ಕನ್ನಡ ಸಾಹಿತ್ಯ ಲೋಕದಲ್ಲಿ ಶೂನ್ಯ
ಎಸ್.ಎಲ್. ಭೈರಪ್ಪ ಅವರು ಕನ್ನಡ ಸಾಹಿತ್ಯಕ್ಕೆ ಕೊಟ್ಟ ಕೊಡುಗೆ ಅಪಾರ. ‘ಆವರ್ಣ, ಪರ್ವ, ಸಾರಥಿ, ಗ್ರಂಥಾಲಯ‘ ಮುಂತಾದ ಅನೇಕ ಕಾದಂಬರಿಗಳ ಮೂಲಕ, ಭೈರಪ್ಪರು ನೂರಾರು-ಸಾವಿರಾರು ಓದುಗರ ಮನಸ್ಸುಗಳನ್ನು ತಲುಪಿದ್ದರು. ಅವರು ಭಾರತೀಯ ಸಮಾಜದ ಯಥಾರ್ಥವನ್ನು ತೀಕ್ಷ್ಣವಾಗಿ ವಿಶ್ಲೇಷಿಸಿದ ಬರಹಗಾರ ಎಂದೇ ಹೆಸರಾಗಿದ್ದರು.
ಭೈರಪ್ಪ ಅವರ ಪಾಠಗಳು, ಬೋಧನೆಗಳು ಮತ್ತು ಸಾಹಿತ್ಯ ಬರವಣಿಗೆಗಳು ಮುಂದಿನ ಪೀಳಿಗೆಗೆ ದಾರಿ ತೋರಿಸುತ್ತವೆ. ಕನ್ನಡ ಸಾಹಿತ್ಯ ಲೋಕಕ್ಕೆ ಈ ದೊಡ್ಡ ನಷ್ಟವನ್ನು ತುಂಬಲು ಸಾಧ್ಯವಿಲ್ಲ.
For More Updates Join our WhatsApp Group :
