ನವದೆಹಲಿ: ಭಾರತ ಮತ್ತು ಚೀನಾ ಸಾಂಸ್ಕೃತಿಕವಾಗಿ ಸಾಮೀಪ್ಯ ಇರುವ ದೇಶಗಳು. ಆದರೆ, ಉದ್ಯಮ ಕ್ಷೇತ್ರಕ್ಕೆ ಬಂದರೆ ಬಹಳ ಅಂತರ ಇದೆ. ಭಾರತದ ಉದ್ಯಮಿಯೊಬ್ಬರು ಎರಡೂ ದೇಶಗಳ ನಡುವೆ ಬ್ಯುಸಿನೆಸ್ ಕ್ಷೇತ್ರದಲ್ಲಿ ಎಂತಹ ವ್ಯತ್ಯಾಸ ಇದೆ ಎಂದು ನಿದರ್ಶನ ಸಮೇತ ಸೋಷಿಯಲ್ ಮೀಡಿಯಾದಲ್ಲಿ ಒಂದು ಪೋಸ್ಟ್ ಹಾಕಿದ್ದಾರೆ. ಅಪ್ ಅಂಡ್ ರನ್ ಎನ್ನುವ ಕಂಪನಿಯ ಸಂಸ್ಥಾಪಕರಾದ ಚಾಣಕ್ಯ ಶಾ ಅವರ ಪ್ರಕಾರ ಭಾರತೀಯರಿಗೆ ಹೋಲಿಸಿದರೆ ಚೀನೀಯರು ಹೆಚ್ಚು ಬದ್ಧತೆ ಇರುವ ಜನ. ವೇಗ, ಶಿಸ್ತು ಮತ್ತು ವೃತ್ತಿಪರತೆ ಉಳ್ಳವರು.
‘ಚೈನೀ ವೆಂಡರ್ಗಳು (ಮಾರಾಟಗಾರರು) ಬಹಳ ಚುರುಕು, ಶಿಸ್ತು, ಹಾಗೂ ತಮ್ಮ ಬ್ಯುಸಿನೆಸ್ ಬಗ್ಗೆ ಗಂಭೀರವಾಗಿರುವವರು. ನೀವು ಅವರಿಗೆ ಯಾವುದೇ ದಿನ ಅಥವಾ ಸಮಯ ಮೆಸೇಜ್ ಮಾಡಿದರೂ ಕ್ಷಣಗಳಲ್ಲಿ ಉತ್ತರ ಕೊಡುತ್ತಾರೆ. ಅವರ ಈ ಧೋರಣೆಯು ಇತರ ಜನರಿಗಿಂತ ಅವರನ್ನು ವಿಶೇಷವಾಗಿಸುತ್ತದೆ’ ಎಂದು ಎನರ್ಜಿ ಡ್ರಿಂಕ್ಸ್ ಸೆಕ್ಟರ್ನ ಅಪ್ ಅಂಡ್ ಗೋ ಕಂಪನಿಯ ಸಂಸ್ಥಾಪಕರು ತಮ್ಮ ಎಕ್ಸ್ ಪೋಸ್ಟ್ನಲ್ಲಿ ತಿಳಿಸಿದ್ದಾರೆ.
‘ಚೀನೀ ಮಾರಾಟಗಾರರಿಂದ ನಿಮಗೆ ಒಳ್ಳೆಯ ಬೆಲೆ, ವೇಗದ ಬೆಂಬಲ ಸಿಗುತ್ತದೆ. ಅವರು ನಿಮ್ಮೊಂದಿಗೆ ಕೆಲಸ ಮಾಡಲು ನಿಜವಾಗಿಯೂ ಬಯಸುತ್ತಾರೆ. ಭಾರತದಲ್ಲಿ ಇದು ಉಲ್ಟಾ. ಇಲ್ಲಿ ಸ್ಪಂದನೆ ಸಿಗುವುದು ನಿಧಾನ. ಕೆಲವೊಮ್ಮೆ ನಿಮಗೆ ರಿಪ್ಲೈ ಬರೋದೇ ಇಲ್ಲ. ಅವರು ನೀಡುವ ಪಟ್ಟಿ ತೀರಾ ಅಸ್ಪಷ್ಟವಾಗಿರುತ್ತದೆ. ಈ ವಿಚಾರದಲ್ಲಿ ಭಾರತೀಯರು ಸುಧಾರಣೆ ಕಂಡರೆ ಬಹಳಷ್ಟು ಸ್ಟಾರ್ಟಪ್ ಸಂಸ್ಥಾಪಕರಿಗೆ ಸಹಾಯವಾಗುತ್ತದೆ. ಭಾರತವನ್ನು ನಿಜವಾಗಿಯೂ ಸ್ವಾವಂಬನೆ ಎಡೆಗೆ ಕೊಂಡೊಯ್ಯಬಹುದು’ ಎಂದು ಚಾಣಕ್ಯ ಶಾ ಅಭಿಪ್ರಾಯಪಟ್ಟಿದ್ದಾರೆ.
For More Updates Join our WhatsApp Group :
