ಈಗಂತೂ ಎಲ್ಲರ ಬಳಿ ಬೈಕ್ (Bike)ಇವೆ. ಒಂದು ಕಾಲದಲ್ಲಿ ಸೈಕಲ್ ಅನ್ನು ಖರೀದಿ ಮಾಡಲು ಕಷ್ಟ ಪಡುತ್ತಿದ್ದ ಕುಟುಂಬಗಳಲ್ಲಿ ಒಂದಕ್ಕಿಂತ ಹೆಚ್ಚಿನ ಬೈಕ್ಗಳನ್ನು ಕಾಣಬಹುದಾಗಿದೆ. ಇದಕ್ಕೆ ಕಾರಣ ಇವುಗಳನ್ನು ಖರೀದಿ ಮಾಡುವುದು ಸುಲಭ, ಹಾಗೆಯೇ ನಿರ್ವಹಣೆ ಮಾಡುವುದ ಸಹ ಸರಳ.
ಈ ಕಾರಣಕ್ಕೆ ಮನೆಗೊಂದು ಬೈಕ್ ಅನ್ನು ಕಾಣಬಹುದಾಗಿದೆ.
ಹೌದು, ಇಂದಿನ ದಿನಗಳಲ್ಲಿ ಬೈಕ್ಗಳು ಇಲ್ಲದ ಮನೆಗಳೇ ಇಲ್ಲ ಎಂದರೆ ತಪ್ಪಾಗುವುದಿಲ್ಲ. ಆದರೆ ಕೆಲವು ಜನರು ಮಾತ್ರ ಇದನ್ನು ಹೊಂದಿರುವುದಿಲ್ಲ ಅನ್ನೋದು ಸಹ ಸತ್ಯ. ಅದರಿಲಿ ಈಗ ಎಲ್ಲರೂ ಬೈಕ್ ಹೊಂದಿದ್ದಾರೆ ಎಂದ ಮಾತ್ರಕ್ಕೆ ಎಲ್ಲರಿಗೂ ಉತ್ತಮವಾದ ಡ್ರೈವಿಂಗ್ ಬರುತ್ತದೆ ಎಂದು ಹೇಳಲು ಸಾಧ್ಯ ಇಲ್ಲ. ಈ ಕಾರಣಕ್ಕೆ ಸಾಕಷ್ಟು ಅಪಘಾತಗಳು ವರದಿಯಾಗುತ್ತದೆ. ಈ ವಿಚಾರದಲ್ಲಿ ಕ್ಲಚ್ (clutch) ಬಹಳ ಪ್ರಮುಖ ಮಾತ್ರ ವಹಿಸುತ್ತದೆ.
ನಿಮ್ಮ ಬೈಕು ಉತ್ತಮವಾಗಿ ಕಾರ್ಯನಿರ್ವಹಿಸುವುದನ್ನು ಖಚಿತಪಡಿಸಿಕೊಳ್ಳಲು ಹಾಗೂ ಎಂಜಿನ್ ಹಾನಿಯನ್ನು ತಪ್ಪಿಸಲು ಕ್ಲಚ್ ಅನ್ನು ಹೇಗೆ ಹಿಡಿದಿಟ್ಟುಕೊಳ್ಳುವುದು ಎಂಬುದನ್ನು ಮೊದಲು ತಿಳಿದುಕೊಳ್ಳಬೇಕಿದೆ. ಗೇರ್ಗಳನ್ನು ಬದಲಾಯಿಸುವ ಮೊದಲು ಕ್ಲಚ್ ಲಿವರ್ ಅನ್ನು ಸಂಪೂರ್ಣವಾಗಿ ಎಳೆಯಲು ನಿಮ್ಮ ಬೆರಳುಗಳನ್ನು ಬಳಸಿ. ಇದು ನಯವಾದ ಅನುಭವನು ನೀಡಲಿದೆ, ಅಲ್ಲದೆ ಜರ್ಕಿ ಚಲನೆಯನ್ನು ತಡೆಯುತ್ತದೆ.
ಇಂಜಿನ್ ಬಿಸಿಯಾಗುವುದನ್ನು ತಡೆಯಿರಿ
ಸ್ಟಾಪ್ನಿಂದ ಪ್ರಾರಂಭಿಸುವಾಗ ಅಥವಾ ಕಡಿಮೆ ವೇಗದಲ್ಲಿ ಚಲಿಸುವಾಗ ಏಕಕಾಲದಲ್ಲಿ ಥ್ರೊಟಲ್ ಅನ್ನು ಅನ್ವಯಿಸುವಾಗ ಕ್ರಮೇಣ ಕ್ಲಚ್ ಅನ್ನು ಬಿಡುಗಡೆ ಮಾಡಿ. ಇದು ನಿಯಂತ್ರಣವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ ಮತ್ತು ಸ್ಥಗಿತಗೊಳ್ಳುವುದನ್ನು ತಡೆಯುತ್ತದೆ. ಹಾಗೆಯೇ ಸವಾರಿ ಮಾಡುವಾಗ ಕ್ಲಚ್ ಅನ್ನು ಸಂಪೂರ್ಣವಾಗಿ ಬಿಡುಗಡೆ ಮಾಡಿ. ಕ್ಲಚ್ ಅನ್ನು ದೀರ್ಘಕಾಲದವರೆಗೆ ಹಿಡಿದಿಟ್ಟುಕೊಳ್ಳುವುದರಿಂದ ಇಂಜಿನ್ ಬಿಸಿಯಾಗುವಿಕೆ ಮತ್ತು ಅಕಾಲಿಕ ಉಡುಗೆಗೆ ಕಾರಣವಾಗಬಹುದು.
ಇನ್ನು ಗೇರ್ ಅನ್ನು ಸಲೀಸಾಗಿ ಶಿಫ್ಟ್ ಮಾಡಿ ಮತ್ತು ಗೇರ್ ಬದಲಾಯಿಸುವಾಗ ಕ್ಲಚ್ ಅನ್ನು ಮಾತ್ರ ಬಳಸಿ. ರೈಡಿಂಗ್ ಸಮಯದಲ್ಲಿ ಅನಗತ್ಯ ಕ್ಲಚ್ ಬಳಕೆಯನ್ನು ತಪ್ಪಿಸಿ. ಜೊತೆಗೆ ತೈಲ ಬದಲಾವಣೆಗಳು ಮತ್ತು ಕ್ಲಚ್ ವ್ಯವಸ್ಥೆಯನ್ನು ಪರಿಶೀಲಿಸುವುದು ಸೇರಿದಂತೆ ನಿಯಮಿತ ನಿರ್ವಹಣೆ ತಪಾಸಣೆಗಳನ್ನು ಆಗಾಗ ಮಾಡುತ್ತಿರಿ.
ಗೇರ್ ಬದಲಾಯಿಸುವಾಗ ಯಾವುದೇ ಅಸಾಮಾನ್ಯ ಶಬ್ದ ಕೇಳಿಬಂದರೆ ಅದನ್ನು ಗಂಭಿರವಗಿ ಪರಿಗಣಿಸಿ. ಇದು ಕ್ಲಚ್ ಅಥವಾ ಪ್ರಸರಣ ಸಮಸ್ಯೆಗಳನ್ನು ಸೂಚಿಸುತ್ತದೆ. ಇಂಜಿನ್ ಅನ್ನು ಅತಿಯಾಗಿ ಬಿಸಿಯಾಗದಂತೆ ನೋಡಿಕೊಳ್ಳಿ. ಎಂಜಿನ್ ಮತ್ತು ಪ್ರಸರಣದ ಮೇಲಿನ ಒತ್ತಡವನ್ನು ಕಡಿಮೆ ಮಾಡಲು ಗೇರ್ಗಳನ್ನು ಬದಲಾಯಿಸಲು ಸರಿಯಾದ RPM ಶ್ರೇಣಿಯನ್ನು ಅರ್ಥಮಾಡಿಕೊಳ್ಳಿ.
ಎಂಜಿನ್ ನಾಕ್ ಅನ್ನು ತಡೆಯಲು ಮತ್ತು ಅತ್ಯುತ್ತಮ ಕಾರ್ಯಕ್ಷಮತೆಯನ್ನು ಖಚಿತಪಡಿಸಿಕೊಳ್ಳಲು ಯಾವಾಗಲೂ ಉತ್ತಮ ಗುಣಮಟ್ಟದ ಇಂಧನವನ್ನು ಬಳಕೆ ಮಾಡಿ. ಈ ಮಾರ್ಗಸೂಚಿಗಳನ್ನು ಅನುಸರಿಸುವ ಮೂಲಕ, ನಿಮ್ಮ ಬೈಕ್ನ ಕಾರ್ಯಕ್ಷಮತೆಯನ್ನು ಹೆಚ್ಚಿಸಬಹುದು ಮತ್ತು ಎಂಜಿನ್ ಹಾನಿಯ ಅಪಾಯವನ್ನು ಕಡಿಮೆ ಮಾಡಬಹುದು.
ಕ್ಲಚ್ ಅನ್ನು ಎರಡು ಬೆರಳಿನಲ್ಲಿ ಹಿಡಿಯಬೇಡಿ
ಸಾಮಾನ್ಯವಾಗಿ ಬೈಕ್ನಲ್ಲಿ ಸಂಚಾರ ಮಾಡುವ ಸವಾರರು ಕ್ಲಚ್ ಅನ್ನು ಎರಡು ಬೆರಳಿನಲ್ಲಿ ಹಿಡಿಯುವುದನ್ನು ನೀವು ನೋಡಿರಬಹುದು. ಆದರೆ ಇದು ಸರಿಯಾದ ಪ್ರಕ್ರಿಯೆಯಲ್ಲ. ಎರಡು ಬೆರಳನ್ನು ಕ್ಲಚ್ ಮೇಲೆ ಇಟ್ಟು ಉಳಿದ ಬೆರಳನ್ನು ಹ್ಯಾಂಡಲ್ ಮೇಲೆ ಇಟ್ಟಿರುತ್ತಾರೆ. ಇದರಿಂದ ಕ್ಲಚ್ ಸಂಪೂರ್ಣ ಆನ್ವಯ ಆಗಿರುವುದಿಲ್ಲ. ಪರಿಣಾಮ ಇಂಜಿನ್ ಮೇಲೆ ಹೆಚ್ಚಿನ ಒತ್ತಡ ಬೀಳಲಿದೆ. ಇದು ದೀರ್ಘಾವಧಿ ಸಮಯದಲ್ಲಿ ಇಂಜಿನ್ ಅನ್ನು ಹಾಳು ಮಾಡುವ ಪ್ರವೃತ್ತಿಯಾಗಿರಲಿದೆ.
ಬ್ರೇಕ್ ಹಾಕುವಾಗ ಕ್ಲಚ್ ಬಳಕೆ ಮಾಡಬೇಕೆ?
ಬೈಕ್ನಲ್ಲಿ ಅಥವಾ ಮ್ಯಾನ್ಯುವಲ್ ಟ್ರಾನ್ಸ್ಮಿಷನ್ ವಾಹನದಲ್ಲಿ ಬ್ರೇಕ್ ಹಾಕುವಾಗ ಕ್ಲಚ್ ಅನ್ನು ಯಾವಾಗ ಬಳಸಬೇಕೆ ಬೇಡವೇ ಎಂಬಿತ್ಯಾದಿ ಪ್ರಶ್ನೆ ಉದ್ಭಬಿಸಬಹುದು. ಆದರೆ ಬ್ರೇಕ್ ಹಾಕುವಾಗ ಕ್ಲಚ್ ಅನ್ನು ಹಿಡಿದಿಟ್ಟುಕೊಳ್ಳುವುದು ಹೆಚ್ಚಿನ ಸಂದರ್ಭಗಳಲ್ಲಿ ಅಗತ್ಯವಿಲ್ಲ ಎನ್ನಲಾಗಿದೆ. ಆದರೆ ಗಾಡಿಯನ್ನು ಸಂಪೂರ್ಣ ನಿಲುಗಡೆಗೆ ಮಾಡಬೇಕಾದಾಗ ಬಳಕೆ ಮಾಡಬಹುದು. ಅಲ್ಲದೆ ನೀವು ತುಲನಾತ್ಮಕವಾಗಿ ಹೆಚ್ಚಿನ ವೇಗದಲ್ಲಿ ಸವಾರಿ ಮಾಡುತ್ತಿದ್ದರೆ, ಎಂಜಿನ್ ಸ್ಥಗಿತಗೊಳ್ಳಲಿದೆ ಎಂದು ನೀವು ಭಾವಿಸುವ ಸಮಯದವರೆಗೆ ಬ್ರೇಕ್ ನೀವು ಕ್ಲಚ್ ಅನ್ನು ಒತ್ತಬೇಕಾಗಿಲ್ಲ.
