ಬೆಂಗಳೂರು: ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO) ತನ್ನ ಸದಸ್ಯ ಸೇವೆಗಳಲ್ಲಿ ತಂತ್ರಜ್ಞಾನ ಆಧಾರಿತ ಮಹತ್ವದ ಬದಲಾವಣೆಗಳನ್ನು ಪರಿಚಯಿಸಿದ್ದು, ಈಗ ನೂತನ ಫೀಚರ್ಗಳಾದ ಪಾಸ್ಬುಕ್ ಲೈಟ್, ಟ್ರಾನ್ಸ್ಫರ್ ಸರ್ಟಿಫಿಕೇಟ್ ಡೌನ್ಲೋಡ್ ಹಾಗೂ ತ್ವರಿತ ಕ್ಲೇಮ್ ಅನುಮೋದನೆಗಳನ್ನು ಸೇರಿಸಿಕೊಂಡಿದೆ.
ಈ ನವೀಕರಣಗಳನ್ನು ಕೇಂದ್ರ ಕಾರ್ಮಿಕ ಸಚಿವ ಮನುಸುಖ್ ಮಾಂಡವೀಯ ಅವರು ಗುರುವಾರ ಪ್ರಕಟಿಸಿದ್ದಾರೆ.
1. ಪಾಸ್ಬುಕ್ ಲೈಟ್: ಇನ್ನೆಂದೂ ಬೇರೆ ಲಾಗಿನ್ ಬೇಡ!
ಇದುವರೆಗೆ ಪಿಎಫ್ ಪಾಸ್ಬುಕ್ ವೀಕ್ಷಣೆಗೆ ಸದಸ್ಯರು ಪ್ರತ್ಯೇಕವಾಗಿ passbook.epfindia.gov.in ಗೆ ಲಾಗಿನ್ ಆಗಬೇಕಾಗುತ್ತಿತ್ತು. ಇದೀಗ ಈ ಅವಶ್ಯಕತೆ ಇಲ್ಲ.
- EPFO ಮೆಂಬರ್ ಪೋರ್ಟಲ್ ನಲ್ಲಿಯೇ ಹೊಸ ‘Passbook Lite’ ಫೀಚರ್ ಮೂಲಕ ಪಿಎಫ್ ಅಕೌಂಟ್ ಡಿಟೇಲ್ಸ್ ವೀಕ್ಷಿಸಬಹುದಾಗಿದೆ.
- ಪಾಸ್ಬುಕ್ ಪೋರ್ಟಲ್ನ ಮೇಲೆ ಭಾರ ಕಡಿಮೆ ಮಾಡುವ ಉದ್ದೇಶದಿಂದ ಈ ಕ್ರಮ.
ಹೆಚ್ಚು ವಿವರವಾಗಿ ಪಾಸ್ಬುಕ್ ನೋಡಬೇಕಾದರೆ, ಹಳೆಯ ಪೋರ್ಟಲ್ ಮೂಲಕ ಲಾಗಿನ್ ಇನ್ನೂ ಲಭ್ಯವಿದೆ.
2. PF Transfer Certificate (Annexure-K) ಡೌನ್ಲೋಡ್ ಈಗ ಸಾಧ್ಯ!
ಉದ್ಯೋಗ ಬದಲಾಯಿಸಿದಾಗ ಪಿಎಫ್ ಹಣವನ್ನು ಹೊಸ ಅಕೌಂಟ್ಗೆ ಟ್ರಾನ್ಸ್ಫರ್ ಮಾಡಲು ಅಗತ್ಯವಿರುವ Annexure-K ಅನ್ನು ಈಗ ನೇರವಾಗಿ ಮೆಂಬರ್ ಪೋರ್ಟಲ್ನಿಂದ ಡೌನ್ಲೋಡ್ ಮಾಡಬಹುದು.
ಹಿಂದೆ:
- ಈ ಪ್ರಮಾಣಪತ್ರವನ್ನು ಎರಡು ಪಿಎಫ್ ಕಚೇರಿಗಳ ನಡುವೆ ಮಾತ್ರ ರವಾನಿಸಲಾಗುತ್ತಿತ್ತು.
- ಸದಸ್ಯರು ಕೇಳಿದಾಗ ಮಾತ್ರ ಲಭ್ಯವಿತ್ತು.
ಈಗ:
- ಸದಸ್ಯರು ಸ್ವತಃ ಡೌನ್ಲೋಡ್ ಮಾಡಿಕೊಳ್ಳಬಹುದು.
3. PF ಕ್ಲೇಮ್ ತ್ವರಿತ ಅನುಮೋದನೆ: ಅಧಿಕಾರಿ ಮಟ್ಟದಲ್ಲೇ ಬದಲಾವಣೆ!
ಇನ್ನೊಂದು ಮಹತ್ವದ ಸುಧಾರಣೆ ಎಂದರೆ:
- ಪಿಎಫ್ ಕ್ಲೇಮ್ (Transfer, Settlement, Advance, Refund) ಗಳಿಗೆ ಬೇಗ ಅನುಮೋದನೆ ದೊರೆಯಲಿರುವುದು.
- ಈ ಹೊತ್ತಿಗೆ, ಉನ್ನತ ಮಟ್ಟದ ಅಧಿಕಾರಿಗಳ ಅನುಮೋದನೆ ಬದಲಾಗಿ, ಕೆಳಮಟ್ಟದ ಅಧಿಕಾರಿಗಳಿಗೂ ಆಧಿಕಾರ ನೀಡಲಾಗಿದೆ.
- ಇದರಿಂದ ಕ್ಲೇಮ್ ಪ್ರಕ್ರಿಯೆ ವೇಗವಾಗಿ ಮುಕ್ತಾಯ ಆಗುವ ನಿರೀಕ್ಷೆ ಇದೆ.
ಸದಸ್ಯರ ಅನುಕೂಲಕ್ಕೆ EPFO ಡಿಜಿಟಲ್ ರೂಪಾಂತರದ ದಿಟ್ಟ ಹೆಜ್ಜೆ!
ಈ ಬದಲಾವಣೆಗಳು, EPFO ಸೇವೆಗಳನ್ನು ಹೆಚ್ಚು ಬಳಕೆದಾರ ಸ್ನೇಹಿಯಾಗಿಸಿವೆ. ಸದಸ್ಯರಿಗೆ ಒಂದೇ ಪೋರ್ಟಲ್ನಲ್ಲಿ ಎಲ್ಲ ಅಗತ್ಯ ಡಾಕ್ಯುಮೆಂಟ್, ಮಾಹಿತಿ ಹಾಗೂ ಸೇವೆಗಳು ಲಭ್ಯವಾಗುತ್ತಿರುವುದು ಸೌಲಭ್ಯ, ಸಮರ್ಥತೆ ಮತ್ತು ವೇಗ ಮೂಡಿಸಿದೆ.
For More Updates Join our WhatsApp Group :
