ಮೊಡವೆ ಮುಖವನ್ನು ತುಂಬಾ ಬದಲಾವಣೆಯನ್ನು ಮಾಡುತ್ತದೆ. ಅದೆಷ್ಟೋ ಯುವಕರು ಈ ಸಮಸ್ಯೆಯನ್ನು ಎದುರಿಸುತ್ತಾರೆ. ಆದರೆ ಇದನ್ನು ಮೂಲದಿಂದಲ್ಲೇ ತೆಗೆದು ಹಾಕಬಹುದು ಎಂದು ಆಯುರ್ವೇದ ಪೌಷ್ಟಿಕತಜ್ಞೆ ಶ್ವೇತಾ ಶಾ ಹೇಳಿದ್ದಾರೆ. 7 ರೀತಿಯ ಕ್ರಮಗಳನ್ನು ಅನುಸರಿಸಿದ್ರೆ ಖಂಡಿತ ಈ ಮೊಡವೆಯಿಂದ ಮುಕ್ತಿ ಪಡೆಯಬಹುದು ಎಂದು ಹೇಳಿದ್ದಾರೆ.
ಮೊಡವೆಗೆ ಕೇವಲ ಬಾಹ್ಯ ಕಾರಣ ಎಂದು ತಿಳಿದುಕೊಳ್ಳುವುದು ತಪ್ಪು. ಮೊಡವೆಗಳು ಕಾಣಿಸಿಕೊಳ್ಳುವುದು ಕೇವಲ ಬಾಹ್ಯ ಸಮಸ್ಯೆಯಲ್ಲ, ಕೆಲವೊಮ್ಮೆ ಅವು ನಿಮ್ಮ ದೇಹದೊಳಗಿನ ಗುಪ್ತ ಅಸಮತೋಲನದ ಸಂಕೇತ ಎಂದು ಆಯುರ್ವೇದ ಹೇಳುತ್ತದೆ. ವಿಶೇಷವಾಗಿ ಪಿತ್ತ ದೋಷದ ಹೆಚ್ಚಳದಿಂದಾಗಿ ಮೊಡವೆಗಳ ಸಮಸ್ಯೆ ಹೆಚ್ಚಾಗಲು ಪ್ರಾರಂಭಿಸುತ್ತದೆ. ಆಯುರ್ವೇದ ಪೌಷ್ಟಿಕತಜ್ಞೆ ಶ್ವೇತಾ ಶಾ ಈ ವಿಚಾರದ ಬಗ್ಗೆ ಹೇಳಿಕೊಂಡಿದ್ದಾರೆ. ಅವರು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಈ ಬಗ್ಗೆ ಸಂಪೂರ್ಣವಾಗಿ ಹೇಳಿಕೊಂಡಿದ್ದು, ಈ ವೀಡಿಯೊದಲ್ಲಿ ಅವರು ಪಿತ್ತ ದೋಷವನ್ನು ಶಾಂತಗೊಳಿಸಲು ಮತ್ತು ಒಳಗಿನಿಂದ ಚರ್ಮವನ್ನು ಸ್ವಚ್ಛಗೊಳಿಸಲು ಕೆಲವೊಂದು ಪಾಕ ವಿಧಾನವನ್ನು ಹೇಳಿದ್ದಾರೆ.
ಆಯುರ್ವೇದದ ಪ್ರಕಾರ, ದೇಹದಲ್ಲಿ ಶಾಖ (ಪಿತ್ತ) ಹೆಚ್ಚಾದಾಗ, ಅದು ರಕ್ತದಲ್ಲಿ ವಿಷ ಹರಡಲು ಪ್ರಾರಂಭಿಸುತ್ತದೆ, ಇದು ಚರ್ಮದ ಮೇಲೆ ನೇರ ಪರಿಣಾಮ ಬೀರುತ್ತದೆ ಎಂದು ಈ ವಿಡಿಯೋದಲ್ಲಿ ಹೇಳಿದ್ದಾರೆ. ಹೀಗೆ ಆಗುವಾಗ ದದ್ದುಗಳು, ಮೊಡವೆಗಳು, ಊತ ಅಥವಾ ಕಿರಿಕಿರಿಯ ಸಮಸ್ಯೆ ಹೆಚ್ಚಾಗುತ್ತದೆ. ಆದರೆ ಇದು ದೊಡ್ಡಮಟ್ಟದ ಪರಿಣಾಮವನ್ನು ಉಂಟು ಮಾಡುವುದಿಲ್ಲ. ಇದನ್ನು ಸುಲಭವಾಗಿ ತೆಗೆದು ಹಾಕಬಹುದು.
7 ದಿನಗಳಲ್ಲಿ ಮೊಡವೆಗಳನ್ನು ನಿವಾರಿಸುತ್ತದೆ
ಕೇವಲ 7 ದಿನಗಳ ಕಾಲ ವಿಶೇಷ ಪರಿಹಾರವನ್ನು ಅನುಸರಿಸಿದರೆ ಈ ಮೊಡವೆಗಳ ಸಮಸ್ಯೆಯನ್ನು ಮೂಲದಿಂದಲ್ಲೇ ತೆಗೆದು ಹಾಕಬಹುದು. ಜತೆಗೆ ಚರ್ಮವನ್ನು ಒಳಗಿನಿಂದ ಶುದ್ಧೀಕರಿಸಿ, ಪಿತ್ತರಸವನ್ನು ಶಾಂತಗೊಳಿಸುತ್ತದೆ ಎಂದು ಆಯುರ್ವೇದ ಪೌಷ್ಟಿಕತಜ್ಞೆ ಶ್ವೇತಾ ಶಾ ಹೇಳಿದ್ದಾರೆ.
ಏನು ಮಾಡಬೇಕು?
ರಾತ್ರಿಯಿಡೀ 3 ರಿಂದ 4 ಲವಂಗವನ್ನು ನೀರಿನಲ್ಲಿ ನೆನೆಸಿಡಿ.ಮರುದಿನ ಬೆಳಿಗ್ಗೆ ನೆನೆಸಿದ ಲವಂಗವನ್ನು ರುಬ್ಬಿಕೊಳ್ಳಿ.ಅದಕ್ಕೆ ಸ್ವಲ್ಪ ಜೇನುತುಪ್ಪ ಮತ್ತು ನಿಂಬೆ ರಸ ಸೇರಿಸಿ. ಒಂದು ಚಿಟಿಕೆ ತಾಜಾ ಬೇವಿನ ಎಲೆಗಳ ಪೇಸ್ಟ್ ಅನ್ನು ಕೂಡ ಸೇರಿಸಬಹುದು.ಈ ಮಿಶ್ರಣವನ್ನು ಖಾಲಿ ಹೊಟ್ಟೆಯಲ್ಲಿ ತಿನ್ನಿರಿ.
