ಬೆಂಗಳೂರು: ದೇಶಿ ನಿರ್ಮಿತ ಮದ್ಯದ (IML) ಕೊರತೆಯನ್ನು ಕರ್ನಾಟಕ ರಾಜ್ಯ ಎದುರಿಸುತ್ತಿದೆ. ಮದ್ಯ ಮತ್ತು ಆತಿಥ್ಯ ಉದ್ಯಮದ ಮೂಲಗಳ ಪ್ರಕಾರ, ಸರ್ಕಾರದ ಹೊಸ ಅಧಿಸೂಚನೆಯಲ್ಲಿ ಎಕ್ಸ್ ಡಿಸ್ಟಿಲರಿ ಪ್ರೈಸ್ (EDP) ಸಲ್ಲಿಸುವಲ್ಲಿ ಡಿಸ್ಟಿಲ್ಲರ್ಗಳು ಮತ್ತು ಅಬಕಾರಿ ಇಲಾಖೆ ನಡುವೆ ವರದಿಯಾದ ಬಿಕ್ಕಟ್ಟನ್ನು ಶೀಘ್ರವಾಗಿ ಪರಿಹರಿಸದಿದ್ದರೆ ರಾಜ್ಯವು ದೇಶಿ ನಿರ್ಮಿತ ಲಿಕ್ಕರ್ ನ ಕೊರತೆಯನ್ನು ತೀವ್ರವಾಗಿ ಅನುಭವಿಸಬಹುದು.
ದೇಶಿ ನಿರ್ಮಿತ ಲಿಕ್ಕರ್ ಸ್ಥಗಿತದ ಹಿನ್ನೆಲೆಯಲ್ಲಿ, ಡಿಸ್ಟಿಲರ್ಗಳು ತಮ್ಮ ಆಲ್ಕೋಹಾಲ್ ನ್ನು ಕರ್ನಾಟಕ ರಾಜ್ಯ ಪಾನೀಯಗಳ ನಿಗಮ ಲಿಮಿಟೆಡ್ಗೆ (KSBCL) ಪೂರೈಸಲು ಸಾಧ್ಯವಾಗಿಲ್ಲ, ಇದು ರಾಜ್ಯದಲ್ಲಿ ಅಬಕಾರಿ ಪರವಾನಗಿಗಳಿಗೆ ಸುಂಕ ಪಾವತಿಸಿದ ಮದ್ಯವನ್ನು ವಿತರಿಸುತ್ತದೆ.
ಈ ವಾರ, ಡಿಸ್ಟಿಲರ್ಗಳು ಕೆಎಸ್ಬಿಸಿಎಲ್ನೊಂದಿಗೆ ಯಾವುದೇ ವ್ಯವಹಾರವನ್ನು ನಡೆಸಿಲ್ಲ. ನಾವು ಇಡಿಪಿ ಅಥವಾ ಹೊಸ ಘೋಷಿತ ಬೆಲೆಯನ್ನು ಆಗಸ್ಟ್ 23 ರಂದು ಹೊರಡಿಸಿದ ಅಧಿಸೂಚನೆಯ ಪ್ರಕಾರ ಸಲ್ಲಿಸಲು ಸಾಧ್ಯವಾಗುತ್ತಿಲ್ಲ. ಅಬಕಾರಿ ಇಲಾಖೆಯು ಅನುಮತಿ ಕೊಟ್ಟಿಲ್ಲ ಎಂದು ಉದ್ಯಮದ ಮೂಲಗಳು ಹೇಳಿವೆ.
ಕೆಎಸ್ಬಿಸಿಎಲ್ಗೆ ಯಾವುದೇ ಮಾರಾಟವಾಗದಿದ್ದಲ್ಲಿ ರಾಜ್ಯದ ಬೊಕ್ಕಸಕ್ಕೆ ಸುಮಾರು 110 ಕೋಟಿ ರೂಪಾಯಿ ಮತ್ತು ದಿನಕ್ಕೆ 120 ಕೋಟಿ ರೂಪಾಯಿ ನಷ್ಟವಾಗುತ್ತದೆ. ಅಲ್ಲದೆ, ಸ್ಥಗಿತ ಮುಂದುವರಿದರೆ, ರಾಜ್ಯದಲ್ಲಿನ ಐಎಂಎಲ್ ಷೇರುಗಳು ಮತ್ತಷ್ಟು ಕ್ಷೀಣಿಸುತ್ತವೆ ಎಂದು ಮೂಲಗಳು ತಿಳಿಸಿವೆ.
ಬಿಕ್ಕಟ್ಟನ್ನು ಆದಷ್ಟು ಬೇಗ ಪರಿಹರಿಸಲು ಉದ್ದೇಶಿಸಿದ್ದಾರೆ ಎಂದು ಸರ್ಕಾರದ ಮೂಲಗಳು ತಿಳಿಸಿವೆ, ಆದರೆ ಐಎಂಎಲ್ ದಾಸ್ತಾನು ಸ್ಥಿರಗೊಳಿಸಲು ಕನಿಷ್ಠ ಒಂದು ವಾರ ತೆಗೆದುಕೊಳ್ಳಬಹುದು. ಆಗಸ್ಟ್ 29 ರಿಂದ ರಾಜ್ಯಕ್ಕೆ ಅರವಿಂದ್ ಪನಗಾರಿಯಾ ನೇತೃತ್ವದ 16 ನೇ ಹಣಕಾಸು ಆಯೋಗದ ತಂಡವು ಮೂರು ದಿನಗಳ ಭೇಟಿ ನೀಡುವುದು ವಿಳಂಬಕ್ಕೆ ಕಾರಣವಾಗಿದೆ ಎಂದು ಹೇಳಲಾಗುತ್ತಿದೆ.
