ಬೆಂಗಳೂರು AQI 122, ಮಂಗಳೂರು 63: ರಾಜ್ಯದ ನಗರಗಳಲ್ಲಿ ಗಾಳಿ ಗುಣಮಟ್ಟ ಏರಿಕೆ
ಬೆಂಗಳೂರು : ರಾಜ್ಯದ ಹಲವು ನಗರಗಳಲ್ಲಿ ಇಂದು ವಾಯು ಗುಣಮಟ್ಟದಲ್ಲಿ ಗಮನಾರ್ಹ ಸುಧಾರಣೆ ಕಂಡುಬಂದಿದೆ. ವಿಶೇಷವಾಗಿ ಬೆಂಗಳೂರು ಮತ್ತು ಮಂಗಳೂರು ನಗರಗಳ ಏರ್ ಕ್ವಾಲಿಟಿ ಇಂಡೆಕ್ಸ್ (AQI) ಮಟ್ಟಗಳು ಕಳೆದ ಕೆಲವು ದಿನಗಳಿಗೆ ಹೋಲಿಸಿದರೆ ಉತ್ತಮ ಸ್ಥಿತಿಗೆ ತಲುಪಿವೆ. ಬೆಂಗಳೂರಿನ AQI ಇಂದು 122 ದಾಖಲಾಗಿದ್ದು, ಇದು ಕಳಪೆ ಮಟ್ಟದಲ್ಲಿದ್ದರೂ ಹಿಂದಿನ ದಿನಗಳಿಗೆ ಹೋಲಿಸಿದರೆ ಸುಧಾರಣೆಯ ಸಂಕೇತವಾಗಿದೆ. ತಜ್ಞರ ಪ್ರಕಾರ, ವಿಶ್ವ ಆರೋಗ್ಯ ಸಂಸ್ಥೆ (WHO) ಮಾನದಂಡಗಳ ಪ್ರಕಾರ ಈ ಮಟ್ಟದ ವಾಯು ಗುಣಮಟ್ಟವೂ ಆರೋಗ್ಯದ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಇದೆ.
ಮಂಗಳೂರಿನಲ್ಲಿ ಕಳೆದ ಕೆಲ ತಿಂಗಳುಗಳಿಂದ ವಾಯು ಮಾಲಿನ್ಯ ಗಂಭೀರ ಚರ್ಚೆಗೆ ಕಾರಣವಾಗಿತ್ತು. ಕೆಲ ಸಂದರ್ಭಗಳಲ್ಲಿ AQI 200 ಗಡಿ ತಲುಪಿದ್ದರಿಂದ ಜನರಲ್ಲಿ ಆತಂಕ ಉಂಟಾಗಿತ್ತು. ಆದರೆ ಇಂದು ಮಂಗಳೂರಿನ AQI 63ಕ್ಕೆ ಇಳಿದಿದ್ದು, ರಾಜ್ಯದ ಪ್ರಮುಖ ನಗರಗಳಿಗಿಂತ ಉತ್ತಮ ಗಾಳಿ ಗುಣಮಟ್ಟ ಹೊಂದಿದ ನಗರವೆಂದು ಗುರುತಿಸಲಾಗಿದೆ.
ಇನ್ನು ಮೈಸೂರು AQI 82, ಬೆಳಗಾವಿ 62, ಕಲಬುರ್ಗಿ 64, ಶಿವಮೊಗ್ಗ 66, ಬಳ್ಳಾರಿ 86, ಹುಬ್ಬಳ್ಳಿ 87, ಉಡುಪಿ 64 ಮತ್ತು ವಿಜಯಪುರ 67 AQI ದಾಖಲಿಸಿವೆ. ಈ ಅಂಕೆಗಳು ರಾಜ್ಯದ ಬಹುತೇಕ ನಗರಗಳಲ್ಲಿ ವಾಯು ಗುಣಮಟ್ಟ ಮಧ್ಯಮ ಅಥವಾ ಸುಧಾರಿತ ಹಂತದಲ್ಲಿರುವುದನ್ನು ತೋರಿಸುತ್ತವೆ.
AQI ಮಾನದಂಡಗಳ ಪ್ರಕಾರ 0-50 ಉತ್ತಮ, 50-100 ಮಧ್ಯಮ, 100-150 ಕಳಪೆ, 150-200 ಅನಾರೋಗ್ಯಕರ, 200-300 ಗಂಭೀರ ಹಾಗೂ 300ಕ್ಕೂ ಮೇಲ್ಪಟ್ಟ ಮಟ್ಟ ಅಪಾಯಕಾರಿ ಎಂದು ಪರಿಗಣಿಸಲಾಗುತ್ತದೆ. ಪರಿಸರ ಸಂರಕ್ಷಣೆ ಮತ್ತು ಮಾಲಿನ್ಯ ನಿಯಂತ್ರಣ ಕ್ರಮಗಳು ಮುಂದುವರಿದರೆ ರಾಜ್ಯದಲ್ಲಿ ಇನ್ನಷ್ಟು ಉತ್ತಮ ವಾಯು ಗುಣಮಟ್ಟ ಸಾಧ್ಯವೆಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
For More Updates Join our WhatsApp Group :
